АМАЛИ САВОБ. Сокини ноҳияи Рашт Ҷунайдулло Атоев ва фарзандонаш дар болои дарёи Сорбоғ пули мошингузар бунёд намуданд
РАШТ, 07.01.2026 /АМИТ «Ховар»/. Сокини деҳаи Хуҷаалии Ҷамоати деҳоти Боқӣ Раҳимзодаи ноҳияи Рашт Ҷунайдулло Атоев ҳамроҳ бо фарзандонаш бо маблағҳои барои ҳаҷ пасандозкардаашон дар болои дарёи Сорбоғи ноҳия пули мошингузар бунёд намуда, пули одамгузари болои ҳамин дарёро таъмири пурра намуданд. Хушбахтона, бо ин амали хайри Ҷунайдулло Атоев ва фарзандонаш мушкилии хонандагони деҳаҳои Боғистон, Пингон ва Боғистони поён, ки ба муассисаи таълимии деҳаи Хуҷаалӣ меомаданд, бартараф гардид. Ҳамзамон рафту омади сокинони шаш деҳаи Ҷамоати деҳоти Боқӣ Раҳимзодаи ноҳияи Рашт- Хуҷаалӣ, Кӯҳдоман, Шингилич, Рувоз, Хуҷаалии поён ва Боғистон хеле осон шуд.
Ҷунайдулло Атоев ва фарзандонаш ҳамчунин 80 симчӯби чӯбинро ба симчӯбҳои бетонӣ иваз намуданд, ки бо ин кори хайр садамаҳои пайдарпайи хатҳои ҳавоии неруи барқ бартараф гардид.
Раиси Ҷамоати деҳоти Боқӣ Раҳимзодаи ноҳияи Рашт Қурбоналӣ Наҷмиддинов иброз дошт, ки соҳибкорону сокинони ҷамоат бо пайравӣ ба сиёсати хирадмандонаи Пешвои миллат муҳтарам Эмомалӣ Раҳмон ба созандагию бунёдкорӣ машғул буда, барои зиндагии шоиста шароити хуб фароҳам меоранд.
Иброз гардид, ки бахшида ба ҷашни бузурги 35-солагии Истиқлоли давлатӣ сокинони деҳаи Яшм дар болои дарёи Сорбоғ бо маблағи зиёда аз 700 ҳазор сомонӣ пули мошингузар бунёд намуданд. Дар ин кори хайр 7 сокини деҳаҳои Яшм ва Шулмак саҳм гузошта, маблағи барои ҳаҷ ҷамъкардаашонро дар бунёди пули мошингузар сарф намуданд.
Ба ифтихори ҷашни бузурги 35-солагии Истиқлоли давлатӣ дар Ҷамоати деҳоти Боқӣ Раҳимзода бунёди 29 иншооти гуногун ба нақша гирифта шудааст. То имрӯз 14 иншоот ба истифода дода шуда, дар иншооти боқимонда корҳои сохтмонӣ идома доранд. Ба ин нақша бунёди 4 иншооти дигар- пулҳои мошингузар ва пиёдагузар илова гардид, ки дар айни замон мавриди истифодаи сокинон қарор доранд.
Субҳониддини МАҲМУД,
АМИТ «Ховар»
АКС: АМИТ «Ховар»
Роҳи ҷумҳуриявии Душанбе-Шарора-Ҳисор пурра мумфарш карда шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
Пешвои миллат Эмомалӣ Раҳмон дар ноҳияи Рӯдакӣ бинои нави Қасри фарҳанги ба номи Кароматулло Қурбоновро ифтитоҳ намуданд
Сарвари давлат Эмомалӣ Раҳмон бинои нави раёсати маорифи ноҳияи Рӯдакиро мавриди истифода қарор доданд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
