Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
ДУШАНБЕ, 30.01.2026 /АМИТ «Ховар»/. Дар даврони соҳибистиқлолӣ бо ҳидоят ва роҳнамоиҳои Президенти Ҷумҳурии Тоҷикистон муҳтарам Эмомалӣ Раҳмон ҷашнҳои миллӣ ва суннатҳои ниёгон эҳё гардида, ба унсури муҳими худшиносии миллӣ ва таҳкими ваҳдати ҷомеа табдил ёфтанд. Ин нуктаро ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода дар таҷлили ҷашни бостонии Сада дар ин донишгоҳ иброз намуд.
АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад, ки Убайдулло Асрорзода ҳозиринро ба муносибати фарорасии яке аз куҳантарин ҷашнҳои ниёгони ориёӣ –ҷашни Сада табрик карда, онро ҷашни нур, гармӣ ва рамзи пирӯзии рӯшноӣ бар торикӣ арзёбӣ намуд.
Гуфта шуд, ки бо пешниҳоди Ҷумҳурии Тоҷикистон 6 декабри соли 2023 ҷашни Сада ба Феҳристи мероси фарҳангии ғайримоддии башарияти ЮНЕСКО ворид гардид. Ин рӯйдод далели эътирофи байналмилалии фарҳанги куҳан ва тамаддуни ғании миллати тоҷик мебошад. Таъкид гардид, ки ҷашни Сада дар радифи Наврӯз, Тиргон ва Меҳргон аз қадимтарин ҷашнҳои миллии мардуми тоҷик буда, реша дар таърихи ҳазорсолаи ниёгон дорад. Ин ҷашн бо афрӯхтани гулхан, арҷгузорӣ ба гармӣ, рӯшноӣ ва неруи ҳаёт пайванди зич дошта, рамзи анҷоми сардиҳои зимистон ва оғози бедории табиат маҳсуб мешавад.
Ин аст, ки ҷашни Сада ҳамчун паёмовари Наврӯзи оламафрӯз мардумро ба шукргузорӣ аз неъматҳои табиат, омодагӣ ба фасли баҳор ва фаъолияти созанда ҳидоят менамояд. Ин ҷашн таҷассуми ҷаҳонбинии ниёгон ва ҳамоҳангии инсон бо муҳити зист мебошад.
Убайдулло Асрорзода афзуд, ки дар шароити ҷаҳонишавӣ ҳифз ва муаррифии арзишҳои миллӣ аҳамияти хосса касб мекунад. Ҷашни Сада бо суннатҳои рангин метавонад омили муҳими рушди сайёҳии фарҳангӣ гардида, таваҷҷуҳи сайёҳони дохилию хориҷиро ба худ ҷалб намояд. Дар ин замина Донишгоҳи байналмилалии сайёҳӣ ва соҳибкории Тоҷикистон ҳамчун муассисаи пешбари таҳсилоти олӣ дар самти тайёр намудани мутахассисони соҳаи сайёҳӣ худро вазифадор мешуморад, ки дар омӯзиш, ҳифз ва муаррифии чунин арзишҳои миллӣ саҳми фаъол гузорад.
АКС: Донишгоҳи байналмилалии сайёҳӣ ва соҳибкории Тоҷикистон
Дар ноҳияи Шаҳринав толори хурди варзишии футбол ба истифода дода шуд
Имрӯз дар баъзе минтақаҳои Тоҷикистон борони кӯтоҳмуддат меборад
ИСТИФОДАИ САМАРАНОКИ ЗАМИН. Сокини Ҷамоати деҳоти Ҳилолии ноҳияи Хуросон аз гармхонааш то се ҳосил мегирад
Дар Рашт оид ба тарбияи ҷавонон ҳамчун воситаи муҳим дар муқовимат ба коррупсия машғулият доир гардид
Имрӯз дар баъзе минтақаҳои Тоҷикистон борони кӯтоҳмуддати хусусияти селӣ дошта пешгӯӣ мешавад
ТАҚВИМИ АМИТ «ХОВАР»: имрӯз 27 май, чоршанбе, 147-умин рӯзи соли 2026 аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
