Аз Тоҷикистон беш аз 190 ҳазор тонна маҳсулоти кишоварзӣ содирот гардид
ДУШАНБЕ, 30.01.2026 /АМИТ «Ховар»/. Соли 2025 аз Ҷумҳурии Тоҷикистон ба хориҷи мамлакат 190 ҳазору 508 тонна маҳсулоти кишоварзӣ ба маблағи 79,2 миллион доллари Иёлоти Муттаҳидаи Амрико содирот гардид. Дар ин хусус Вазири кишоварзии Ҷумҳурии Тоҷикистон Қурбон Ҳакимзода 29 январ зимни нишасти матбуотӣ иттилоъ дод.
Таъкид гардид, ки ин нишондиҳанда нисбат ба ҳамин давраи соли 2024 аз рӯи ҳаҷм 13,5 фоиз (22 683 тонна) ва аз рӯи маблағ 39,7 фоиз (22,5 миллион доллар) афзуда, аз афзоиши сифат ва арзиши маҳсулоти кишоварзӣ шаҳодат медиҳад.
Ба иттилои Вазири кишоварзии Ҷумҳурии Тоҷикистон, маҳсулоти кишоварзии мамлакат ба 26 давлат содирот шудааст. 89 фоизи он ба кишварҳои Иттиҳоди Давлатҳои Мустақил ва 11 фоиз ба давлатҳои хориҷи дур рост меояд.
Дар нишасти матбуотӣ иброз гардид, ки соли 2025 тамоюли афзоиши содироти маҳсулоти аз ҷиҳати экологӣ тозаи Тоҷикистон ба таъсиси бренди миллии баландрақобат ва баромадан ба бозорҳои боэътимоди ҷаҳонӣ нигаронида шуд. Ин иқдом на танҳо боиси афзоиши арзиши иловашуда гардид, балки рушди устувори иқтисоди «сабз»-ро низ дар минтақаҳои кишоварзии мамлакат тақвият бахшид.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Намояндагони Тоҷикистон дар Конфронси глобалии Созмони озуқаворӣ ва кишоварзӣ дар Италия иштирок намуданд
Рушди фарҳанги экологӣ дар ҷаласаи Шурои экологии Иттиҳоди Давлатҳои Мустақил баррасӣ карда шуд
Намояндагони Бонки Осиёии Рушд бо фаъолияти гузаргоҳи «Фотеҳобод — Ойбек» шинос шуданд
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Дар ноҳияи Вахш ҷамъоварии ангур идома дорад
Дар вилояти Суғд беш аз 1300 корхонаи саноатӣ фаъолият менамоянд
Раванди татбиқи лоиҳаи «Сохтмони лӯлаи газгузари Тоҷикистон-Чин, қисмати Д» баррасӣ гардид
БАРНОМАИ РУШДИ ПАРВАРИШИ ПАВЛОВНИЯ. Дар 72,5 гектар плантатсияҳои дарахти павловния бунёд карда шуданд
Дар хоҷагиҳои пахтакори ноҳияи Рӯдакӣ ҷамъоварии пахта оғоз гардид
