Дар Душанбе оид ба рушди техникаю технологияи муосири китобдорӣ машғулият баргузор гардид
ДУШАНБЕ, 24.01.2026 /АМИТ «Ховар»/. Имрӯз дар шаҳри Душанбе таҳти унвони «Сарватҳои иттилоотии китобхонаҳои Ҷумҳурии Тоҷикистон ва нақши онҳо дар рушди иқтисодиёт, инноватсия ва маърифати ҷомеа» машғулияти ҷумҳуриявии кормандони китобхонаҳои марказии вилоятҳо ва шаҳру ноҳияҳо баргузор гардид.
Тавре ба АМИТ «Ховар» аз Вазорати фарҳанги Ҷумҳурии Тоҷикистон иттилоъ доданд, ҳадаф аз баргузории машғулият муайян намудани дурнамои бунёд ва рушди техникаю технологияи муосири китобдорӣ дар китобхонаҳои мамлакат, ба амал овардани тағйироти сифатӣ, мутобиқ гардонидани фаъолияти китобхонаҳо бо ҳадафҳои дурнамои сиёсӣ, иқтисодӣ ва иҷтимоии Ҳукумати Ҷумҳурии Тоҷикистон мебошад.
Президенти Ҷумҳурии Тоҷикистон муҳтарам Эмомалӣ Раҳмон таъкид менамоянд, ки «табъу нашри китоб ва масъалаи таблиғи китобхонӣ таваҷҷуҳи ҷиддӣ талаб менамояд. Китобхонӣ ҷузъи муҳими тарбияи насли наврасро бояд ишғол кунад. Миллати мо бо китоб ва китобхонӣ, заковат ва маърифатнокии худ дар ҷаҳони мутамаддин мақоми шоиста касб кардааст».
Иштирокдорон иброз намуданд, ки Истиқлолияти давлатӣ ҳамчун оғози марҳилаи сифатан нав барои муҳаққиқону мутахассисони соҳаи китобдорӣ шароит фароҳам овард, ки арзишҳою анъанаҳои мавҷудаи соҳаи китобдорӣ ва меъёрҳои китобдорӣ такмил дода шаванд.
Дар ҷараёни машғулият масоили такмил додани механизмҳои фаъолияти китобхонаҳо, тақвияти заминаи меъёрии ҳуқуқӣ, иқтисодию молиявӣ ва илмию методӣ дар соҳаи китобдорӣ мавриди таҳлилу баррасӣ қарор дода шуд.
АКС: Вазорати фарҳанги Ҷумҳурии Тоҷикистон
Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
ТАМАДДУНИ ТОҶИКОН. Аз ёдгории таърихии «Сайёд» муҳри шоҳии марбут ба аҳди Кӯшониён дарёфт гардид
Таҳти унвони «Эмомалӣ Раҳмон: абармарди сиёсат, ҳақиқатнигори таърих, ҳувиятофари миллат» конференсияи байналмилалӣ доир шуд
Дар Душанбе рӯзҳои фарҳанги вилояти Суғд, ноҳияҳои Ванҷ, Шуғнон ва Рӯшон баргузор мегарданд
