Дар корхонаҳои саноатии Мастчоҳ ба маблағи беш аз 410 миллион сомонӣ маҳсулот истеҳсол гардид

ДУШАНБЕ, 27.01.2026 /АМИТ «Ховар»/. Соли 2025 дар корхонаҳои саноатии ноҳияи Мастчоҳ ба маблағи 410 миллиону 455 ҳазору 500 сомонӣ маҳсулот истеҳсол гардид. Дар ин хусус 26 январ зимни нишасти матбуотии Мақомоти иҷроияи ҳокимияти давлатии ноҳияи Мастчоҳ оид ба ҷамъбасти соли 2025 иттилоъ дода шуд.

Иброз гардид, ки дар корхонаҳои саноатӣ дар шакли асл 665,8 тонна нон ва маҳсулоти нонӣ, 36 тонна орд, 478,5 тонна маҳсулоти ширӣ, 129,3 тонна равғани растанӣ, 102 ҳазору 250 тонна семент, 1822,8 метри мукааб маҳсулот аз пластикаи физилӣ ва 3186,8 ҳазор дона маҳсулоти пластмассӣ истеҳсол карда шуд.

Дар нишаст таъкид гардид ки дар давраи ҳисоботӣ нақшаи қисми даромади буҷети умумии ноҳия ба андозаи 101,8 фоиз иҷро гардида, ба буҷет 175 миллиону 281,9 ҳазор сомонӣ маблағ ворид карда шуд.

АКС: Мақомоти иҷроияи ҳокимияти давлатии ноҳияи Мастчоҳ