Дар ноҳияи Бобоҷон Ғафуров оид ба чораҳои бехатарии радиатсионӣ машварат баргузор шуд
ДУШАНБЕ, 22.01.2026 /АМИТ «Ховар»/. Дар ноҳияи Бобоҷон Ғафурови вилояти Суғд дар мавзуи «Огоҳонидани аҳолӣ дар бораи чораҳои бехатарии радиатсионӣ» машварат баргузор шуд.
Тавре АМИТ «Ховар» бо истинод ба Академияи миллии илмҳои Тоҷикистон хабар медиҳад, дар машварат мутахассисони Агентии бехатарии кимиёвӣ, биологӣ, радиологӣ ва ядроии академия дар мавзуи асосҳои бехатарии радиатсионӣ якчанд муаррифӣ ва сессияҳои интерактивӣ баргузор намуданд. Дар онҳо масъалаҳои назорати сатҳи радиатсия, қоидаҳои рафтор дар минтақаҳои хавфнок, истифодаи воситаҳои муҳофизати шахсӣ ва аҳамияти муоинаҳои мунтазами тиббӣ баррасӣ карда шуданд.
Таваҷҷуҳи махсус ба ҳавзҳои партови уран дар ноҳия зоҳир гардид, ки дар онҳо миқдори зиёди партовҳо боқӣ мондаанд.
Ба иштирокчиён оид ба кам кардани таъсири радиатсия дар ҳаёти рӯзмарра, аз ҷумла истифодаи бехатари заминҳои кишоварзӣ ва манбаъҳои об тавсияҳои амалӣ дода шуданд. Иброз гардид, ки машварат барои онҳо дар бораи ҳифзи саломатӣ ва муҳити зист донишҳои арзишманду амалӣ фароҳам овард. Маълумоти бадастомада ба онҳо имкон медиҳад дар фаъолияти ҳаррӯза усулҳои амнтарро истифода баранд ва донишҳои гирифтаашонро ба дигар сокинони ҷомеа интиқол диҳанд.
АКС: Академияи миллии илмҳои Тоҷикистон
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
