Дар ҳошияи Ассамблеяи парламентии Осиё таҳкими ҳамкории байнипарламентии Тоҷикистон баррасӣ шуд
ДУШАНБЕ, 27.01.2027 /АМИТ «Ховар»/. Дар доираи ҷаласаи шонздаҳуми пленарии Ассамблеяи парламентии Осиё, ки дар шаҳри Манамаи Подшоҳии Баҳрайн баргузор гардид, муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Шермуҳаммад Шоҳиён бо Дабири кулли Ассамблеяи парламентии Осиё доктор Муҳаммад Ризо Маҷидӣ ва муовини Раиси Маҷлиси машваратии исломии Ҷумҳурии Исломии Эрон Ҳамид Ҳоҷӣ Бобоӣ вохӯрӣ намуд. Дар ин хусус ба АМИТ «Ховар» аз Маҷлиси намояндагон хабар доданд.
Зимни вохӯрӣ бо Дабири кулли Ассамблеяи парламентии Осиё ҷонибҳо роҳҳо ва воситаҳои таҳкими минбаъдаи ҳамкории байнипарламентиро баррасӣ намуданд.
Ҷонибҳо аҳаммияти мусоидат ба муколамаи байнифарҳангӣ ва байни тамаддунҳо, инчунин тақвияти ҳамоҳангсозӣ байни парламентҳои давлатҳои аъзои Ассамблеяи парламентии Осиёро таъкид намуданд.
Дар вохӯрӣ бо муовини Раиси Маҷлиси машваратии исломии Ҷумҳурии Исломии Эрон ҷонибҳо хусусияти устувори муносибатҳои дуҷонибаи Тоҷикистон ва Эронро, ки бар пояи умумияти таърихӣ, фарҳангӣ ва забонӣ, инчунин эҳтироми мутақобил ва ҳамсоягии нек асос ёфтаанд, таъкид намуданд.
Ёдоварӣ гардид, ки муносибатҳои дипломатӣ байни ду давлат аз замони барқароршавӣ (соли 1992) муваффақона рушд меёбанд.
Ҳамчунин дар вохӯрӣ таваҷҷуҳи махсус ба масъалаҳои густариши ҳамкории байнипарламентӣ, табодули таҷриба дар соҳаи фаъолияти қонунгузорӣ ва таҳкими ҳамкорӣ байни кумитаҳои соҳавии парламентҳои ду давлат зоҳир карда шуд.
Ҷонибҳо барои рушди минбаъдаи муколамаи байнипарламентӣ ва ҳамкорӣ оид ба масъалаҳои мавриди таваҷҷуҳи муштарак изҳори ҳавасмандӣ намуданд.
АКС: Маҷлиси намояндагони Маҷлиси Олии Ҷумҳурии Тоҷикистон
ПАРЛАМЕНТ ВА ДИПЛОМАТИЯИ МИЛЛӢ: 35 СОЛИ ТАҶРИБАИ ДАВЛАТДОРИИ МУСТАҚИЛИ ТОҶИКИСТОН. Андешаҳои муовини Раиси Маҷлиси намояндагон Мавсума Муинӣ
Дилноза Аҳмадзода: «Истиқлолият заминаи асосии таҳкими давлатдории миллӣ ва рушди Тоҷикистон гардид»
Файзалӣ Идизода сокинони Сангворро ба гиромӣ доштани дастовардҳои Истиқлоли давлатӣ даъват намуд
35 СОЛИ СОҲИБИСТИҚЛОЛӢ. Марҳилаи пур аз рӯйдодҳои муҳим, созандагӣ ва дастовардҳои беназири Тоҷикистон
Вакилони Маҷлиси намояндагон ба фаъолони ноҳияҳои Исмоили Сомонӣ ва Шоҳмансури пойтахт моҳияти Истиқлоли давлатиро шарҳ доданд
Муовини якуми Раиси Маҷлиси намояндагон бо фаъолони шаҳри Панҷакент вохӯрӣ намуд
Файзалӣ Идизода бо аскарону афсарон ва фаъолони ноҳияи Сангвор вохӯрӣ намуд
Вохӯрии вакили Маҷлиси намояндагон бо кормандони Раёсати Вазорати корҳои дохилӣ дар шаҳри Душанбе доир шуд
Дастовардҳои соҳаи маориф дар солҳои Истиқлолияти давлатӣ дар шаҳри Ҳисор баррасӣ шуданд
Вакили Маҷлиси намояндагон бо фаъолони ноҳияи Шамсиддин Шоҳин вохӯрӣ намуд
Вакилони Маҷлиси намояндагон бо фаъолони ноҳияи Фирдавсӣ вохӯрӣ намуданд
Вакили Маҷлиси намояндагон бо кормандони соҳаи тандурустии шаҳри Ҳисор вохӯрӣ намуд
