Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид

ДУШАНБЕ, 07.01.2026 /АМИТ «Ховар»/. 6 январ дар Мақомоти иҷроияи ҳокимияти далатии шаҳри Панҷакент ҷаласаи ҳафтуми Шуро оид ба рушди соҳибкорӣ ва беҳтар намудани фазои сармоягузорӣ баргузор гардид.

Тавре АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад, дар ҷаласа аъзои нави Шуро аз ҳисоби роҳбарони корхонаҳои азими саноатии шаҳр, намояндагони шарикони рушд, ташкилоти ҷамъиятӣ ва соҳибкорону ҳамватанони бурунмарзӣ интихоб карда шуданд.

Масъалаи дастрасии соҳибкорон ба қитъаи замин ва рушди соҳаи сайёҳӣ матраҳ карда шуда, нақшаи кори Шуро барои соли 2026 тасдиқ гардид.

Масъулин барои пешбурди фаъолияти соҳибкорӣ, ҷалби сармоягузорони дохилию хориҷӣ ба иқтисодиёт, истифода аз фазои муносиби сармоягузорӣ ва ҷалби соҳибкорон ба корҳои ободониву созандагӣ вазифадор карда шуданд.

Таъкид гардид, ки соҳибкорӣ яке аз соҳаҳои муҳими ҷумҳурӣ ба ҳисоб рафта, Президенти Тоҷикистон ба рушди он аҳамияти хосса зоҳир менамоянд.

АКС: Мақомоти иҷроияи ҳокимияти давлатии шаҳри Панҷакент