Дар шаҳри Норак барои ҳифзи тартиботи ҷамъиятӣ санҷишҳои шабона гузаронида шуданд
НОРАК, 24.01.2026. /АМИТ «Ховар»/. Бо ташаббуси Мақомоти иҷроияи ҳокимияти давлатии шаҳри Норак аз ҷониби гурӯҳҳои корӣ дар ҳудуди шаҳр санҷишҳои шабона гузаронида шуданд. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии шаҳри Норак иттилоъ доданд.
Зимни санҷишҳо аъзои гурӯҳи корӣ ба марказҳои бозиҳои компютерӣ ва марказҳои дилхушӣ рафта, фаъолияти онҳоро дар робита ба риояи талаботи қонунгузории Ҷумҳурии Тоҷикистон, қоидаю тартиботи ҷамъиятӣ, реҷаи корӣ, инчунин масъалаҳо оид ба ҳифзи ҳуқуқу манфиатҳои ноболиғонро мавриди санҷиш қарор доданд.
Мақсади асосӣ аз баргузории чунин санҷишҳо тақвияти назорат, пешгирии қонуншиканиҳо, таъмини амнияти иҷтимоӣ, танзими фаъолияти марказҳои дилхушӣ ва баланд бардоштани сатҳи масъулиятшиносии соҳибкорон мебошад.
Зимни санҷиш ба масъулини марказҳои дилхушӣ барои бартараф намудани камбудиҳои ҷойдошта тавсияю дастури мушаххас дода шуд. Ҳамчунин дар самти риояи талаботи қонунгузорӣ ва масъулияти иҷтимоӣ корҳои фаҳмондадиҳӣ гузаронида шуданд.
Гурӯҳҳои кории Мақомоти иҷроияи ҳокимияти давлатии шаҳри Норак минбаъд низ бо мақсади таъмини тартиботи ҷамъиятӣ ва ҳифзи манфиатҳои ҷомеа чунин санҷишҳо баргузор мекунанд.
АКС: Мақомоти иҷроияи ҳокимияти давлатии шаҳри Норак
Имрӯз дар Тоҷикистон ҳаво то 40 дараҷа гарм мешавад
Имрӯз дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
