Дар Тоҷикистон 95,1 фоизи борҳо ва 99,8 фоизи мусофирон тавассути нақлиёти автомобилӣ ҳамлу нақл мешаванд
ДУШАНБЕ, 29.01.2026 /АМИТ «Ховар»/. Дар Тоҷикистон бо назардошти мамлакати кӯҳистон будан 95,1 фоизи борҳо ва 99,8 фоизи мусофирон бо нақлиёти автомобилӣ ҳамлу нақл карда мешаванд. Тавре Вазири нақлиёти Ҷумҳурии Тоҷикистон Азим Иброҳим 28 январ зимни нишасти матбуотӣ ба хабарнигорон иттилоъ дод, соли 2025 бо нақлиёти автомобилӣ 147,3 миллион тонна бор ва 1129,5 миллион мусофир интиқол дода шуд, ки мутаносибан 115,4 фоиз ва 110,8 фоиз зиёд мебошад.
Ҳамзамон Азим Иброҳим афзуд, ки соли 2025 тавассути нақлиёти автомобилӣ содироти бор 1208,9 ҳазор тонна, аз ҷумла содироти маҳсулоти кишоварзӣ 232 ҳазору 105 тонна ва воридот 2046,7 ҳазор тоннаро ташкил намуд.
Инчунин тавассути корхонаҳои нақлиёти автомобилии низоми Вазорати нақлиёти Тоҷикистон беш аз 1 миллиард мусофир ва 43,6 миллион тонна бор кашонида шуд. Гардиши мусофирбарӣ ба 9,8 миллиард мусофир ва гардиши бор ба 9,1 миллиард тонна км баробар шуд, ки нисбат ба соли 2024 мусофирбарӣ 111 фоиз, боркашонӣ 109,6 фоиз, гардиши мусофир 111,3 фоиз ва гардиши бор 117,6 фоизро ташкил дод.
Марзия САИДЗОДА,
АМИТ «Ховар»
АКС: АМИТ «Ховар»
Раиси Палатаи ҳисоби Тоҷикистон дар машварати байналмилалӣ дар Чин иштирок намуд
Кормандони соҳаи алоқа бо мукофотҳои давлатӣ сарфароз гардиданд
Беш аз 75 фоизи иқтидори умумии энергетикии Тоҷикистон дар ҳудуди вилояти Хатлон ҷойгир мебошад
Ба ифтихори 35-солагии Истиқлоли давлатӣ сохтмончиёни НБО-и «Роғун» бо мукофотҳои давлатӣ сарфароз гардонида шуданд
Эмомалӣ Раҳмон: «Дар вилояти Хатлон беш аз 100 лоиҳаи сармоягузории давлатӣ амалӣ гардид»
Бахшида ба 35-солагии Истиқлолияти давлатӣ дар Фурудгоҳи байналмилалии Душанбе ҷамъомади тантанавӣ доир шуд
Дар Хоруғ рушди рақамикунонӣ дар низоми энергетикии Бадахшон баррасӣ шуд
Бахшида ба 35-солагии Истиқлоли давлатӣ дар Кумитаи ҳифзи муҳити зист ҷамъомади тантанавӣ баргузор шуд
Тоҷикистон ва Кувайт ҳамкории байнибонкиро тақвият медиҳанд
Бахшида ба Рӯзи авиатсияи граждании Ҷумҳурии Тоҷикистон дар Душанбе ҷамъомади тантанавӣ доир гардид
Бонки миллии Тоҷикистон ба ифтихори 35-солагии Истиқлоли давлатии Ҷумҳурии Тоҷикистон тангаҳои хотиравиро ба фурӯш баровард
