Дар Тоҷикистон ҳавои моҳи январ чӣ гуна мешавад?
ДУШАНБЕ, 07.01.2026 /АМИТ «Ховар»/. Тибқи иттилои Агентии обуҳавошиносии Тоҷикистон, моҳи январ ҳаво аз меъёри иқлимӣ 1-2 дараҷа баландтар пешгӯӣ мешавад. Дар нимаи дуюми моҳ (аз 15 то 31 январ) бориши борон ва барф дар назар аст. Ҳавои моҳи январи имсола ба моҳи январи соли 2018 шабоҳат дорад.
Моҳи январ дар вилояти Хатлон ва водиҳои ноҳияҳои тобеи ҷумҳурӣ ҳарорати ҳаво аз меъёри иқлимӣ 1-2 дараҷа баландтар пешгӯӣ шуда, дар водиҳо то 5 ва дар ноҳияҳои доманакӯҳ то 2 дараҷа гарм мешавад. Дар нимаи дуюми моҳ дар рӯзҳои алоҳида бориши борон ва барф дар назар аст. Миқдори моҳонаи бориши атмосферӣ дар ҳадди меъёри иқлимӣ, дар баъзе ноҳияҳо аз меъёри иқлимӣ кам пешгӯӣ мешавад. Шамол бо суръати то 15-20 метр дар як сония мевазад. Шабона ва саҳаргоҳон фаромадани туман пешгӯӣ мешавад.
Дар вилояти Суғд ҳарорати ҳаво дар водиҳо ва ноҳияҳои кӯҳӣ дар ҳадди меъёри иқлимӣ, дар баъзе ноҳияҳо аз меъёри иқлимӣ то 1-2 дараҷа баланд пешгӯӣ мешавад. Ҳаво дар водиҳо 1+2 дараҷа гарм ва дар ноҳияҳои кӯҳӣ 2-6 дараҷа хунук мешавад. Давоми моҳ тағйирёбии ҳаво пешгӯӣ шуда, дар водиҳо шабона то 3-8 дараҷа хунук, рӯзона аз 2+7 то 8+13 дараҷа гарм, дар ноҳияҳои кӯҳӣ шабона то 11-16 ва рӯзона то 1-6 дараҷа хунук мешавад. Дар нимаи дуюми моҳ борон ва барф меборад.
Дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон ҳарорати ҳаво дар баъзе ноҳияҳо аз меъёри иқлимӣ 1-2 дараҷа баланд дар назар дошта шуда, то 3-9 дараҷа хунук мешавад. Дар рӯзҳои боқимондаи моҳ ҳаво тағйир ёфта, шабона то 14 -19 ва рӯзона то 5-10 дараҷа хунукӣ дар назар аст. Дар баъзе ноҳияҳо шамол бо суръати то 12-17 метр дар як сония пешгӯӣ шуда, туман мефарояд.
Моҳи январ дар шарқи Вилояти Мухтори Кӯҳистони Бадахшон 14-17 дараҷа хунук мешавад. Давоми даҳрӯзаҳои аввал ва дуюми моҳ тағйирёбии ҳаво дар назар буда, шабона то 22-27 ва рӯзона то 7-12 дараҷа хунукӣ пешгӯӣ мешавад. Дар даҳрӯзаи сеюми моҳ, дар рӯзҳои алоҳида пастшавии ҳарорати ҳаво аз эҳтимол дур набуда, шабона то 30-35 ва рӯзона то 10-15 дараҷа хунук мешавад.
АКС аз манбаъҳои боз
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
