Дар Тоҷикистон беш аз 200 корхона ва ҷамъияти нақлиётӣ фаъолият менамояд
ДУШАНБЕ, 03.01.2026 /АМИТ «Ховар»/. Дар айни замон дар Тоҷикистон 225 корхона ва ҷамъияти нақлиётӣ ба қайд гирифта шудаанд. Аз ин шумора 79 адад ба боркашонӣ, 71 адад ба мусофирбарӣ ва 75 адад бо фаъолияти омехтаи нақлиётӣ машғул мебошанд. Дар ин хусус ба АМИТ «Ховар» аз Вазорати нақлиёти Ҷумҳурии Тоҷикистон хабар доданд.
Ба иттилои манбаъ, аз шумораи умумии корхонаҳои нақлиётӣ танҳо 107 корхона дорои заминаи моддию техникии худ мебошад. 112 корхонаи боқимонда воситаҳои моддию техникиро тибқи шартнома ба иҷора гирифта, фаъолият мекунанд.
Таҳкими заминаи моддию техникии корхонаҳои нақлиётӣ яке аз самтҳои муҳими рушди соҳаи нақлиёт ба шумор рафта, дар ин самт тадбирҳои зарурӣ андешида мешаванд. Ин иқдом ба баланд бардоштани сатҳи хизматрасонӣ, таъмини бехатарии ҳаракат ва рушди устувори соҳаи нақлиёт мусоидат менамояд.
Дар ин замина соли 2026 бо мақсади беҳтар намудани вазъи роҳу шоҳроҳҳои мошингард ва ба давлати транзитӣ табдил додани Тоҷикистон татбиқи 16 лоиҳаи сармоягузории давлатӣ ба маблағи умумии 11,3 миллиард сомонӣ ба нақша гирифта шудааст.
Тибқи иттилои Вазорати нақлиёти Ҷумҳурии Тоҷикистон, дарозии умумии шабакаи роҳҳои Тоҷикистон тақрибан 27 ҳазору 243 километрро ташкил медиҳад, ки аз он 14 ҳазору 314 км роҳҳои истифодаи умумӣ, аз ҷумла 3 ҳазору 384 км роҳҳои дорои аҳамияти байналмилалӣ, 2 ҳазору 182 км роҳҳои дорои аҳамияти ҷумҳуриявӣ ва 8 ҳазору 748 км роҳҳои дорои аҳамияти маҳаллӣ мебошанд.
АКС: АМИТ «Ховар»
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид
«ПРЕЗИДЕНТ — КАФИЛИ ДАВЛАТИ ҲУҚУҚБУНЁДУ ДЕМОКРАТӢ». Дар ин мавзуъ конференсияи ҷумҳуриявӣ доир шуд
Имрӯз дар Тоҷикистон туман мефарояд
Ба ифтихори Рӯзи Президент дар деҳоти ноҳияи Ёвон чорабиниҳои сиёсию маърифатӣ баргузор мегардад
