Фаъолияти Кумитаи иҷроияи Ҳизби Халқии Демократии Тоҷикистон дар шаҳри Душанбе натиҷагирӣ карда шуд
ДУШАНБЕ, 31.01.2026 /АМИТ «Ховар»/. 30 январ ҷаласаи Кумитаи иҷроияи Ҳизби Халқии Демократии Тоҷикистон дар шаҳри Душанбе оиб ба ҷамъбасти натиҷаҳои фаъолият дар соли 2025 баргузор шуд. Дар ин хусус АМИТ «Ховар» бо истинод ба Кумитаи иҷроияи Ҳизби Халқии Демократии Тоҷикистон дар шаҳри Душанбе хабар медиҳад.
Дар ҷаласа Раиси Кумитаи иҷроияи Ҳизби Халқии Демократии Тоҷикистон дар шаҳри Душанбе Абдураҳим Шоҳиён иттилоъ дод, ки «соли 2025 Кумитаи иҷроияи ҳизб дар шаҳри Душанбе 104928 нафар аъзои ҳизбро дар 1112 ташкилоти ибтидоии ҳизбӣ муттаҳид намуд. Дар давоми соли сипаришуда 21736 нафар шаҳрванд ба сафи ҳизб қабул гардида, 72 ташкилоти ибтидоии ҳизбӣ дар шаҳри Душанбе таъсис дода шуд».
Таъкид гардид, ки ҳизбиёни пойтахт бо мақсади сазовор таҷлил намудани ҷашни 35-солагии Истиқлоли давлатӣ тадбирҳои муҳим андешида, бо анҷоми корҳои созандагию ободонӣ дар рушди мамлакат саҳми назаррас мегузоранд.
Иштирокдорони ҷаласа оид ба дастуру супоришҳое, ки дар Паёми Президенти Ҷумҳурии Тоҷикистон ба Маҷлиси Олӣ баён гардидаанд, ибрози андеша намудаанд.
Таъкид гардид, ки Паёми Президенти Тоҷикистон ба Маҷлиси Олӣ ҳамчун санади муҳими стратегӣ самтҳои асосии сиёсати дохиливу хориҷии ҷумҳуриро муайян намуда, барои таъмини зиндагии шоистаи мардум, таҳкими давлатдорӣ ва рушди устувори иқтисодиву иҷтимоӣ заминаи мусоид фароҳам меорад.
Инчунин оид ба фаъолияти Кумитаи иҷроияи ҳизб дар самти баланд бардоштани маърифати сиёсию маърифатии ҷавонон, истифодаи самараноки шабакаҳои иҷтимоӣ, ташаббусҳои вакилони Маҷлиси вакилони халқи шаҳрию ноҳиявӣ дар самти рушди инфрасохтори шаҳраку маҳаллаҳо ва баланд бардоштани маърифати оиладории занону модарони шаҳраку маҳаллаҳои шаҳри Душанбе ибрози андеша гардид.
Дар идома муовини якуми Раиси Ҳизби Халқии Демокартии Тоҷикистон Маликшо Неъматзода оид саҳми арзандаи аъзои ҳизби пойтахт дар давраи ҳисоботӣ сухан намуд.
Дар ҷамъомад ғолибони озмуни шаҳрӣ аз рӯи номинатсияҳои «Кумитаи иҷроияи ибтидоии фаъол», «Ташкилоти ибтидоии фаъол», «Вакили ташаббускор», «Корманди шоиста», «Беҳтарин таблиғотчии ҳадафҳои барномавӣ» ва «Хабарнигори варзида» ҷамъбаст гардида, ғолибон бо Диплом ва туҳфаҳои хотиравӣ қадрдонӣ гардиданд.
Инчунин ба як зумра фаъолони ҳизбӣ «Сипоснома» ва медалҳои ҷашнии Ҳизби Халқии Демократии Тоҷикистон тақдим карда шуд.
АКС: Кумитаи иҷроияи Ҳизби Халқии Демократии Тоҷикистон дар шаҳри Душанбе
Дар шаҳри Санкт-Петербург Форуми XIV байналмилалии ҳуқуқӣ оғоз гардид
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
Дар Душанбе даври сеюми Форуми марказҳои таҳлилии «Осиёи Марказӣ ва Ҷумҳурии Корея» баргузор гардид
Дар соҳили Сирдарёи шаҳри Хуҷанд шиногоҳи нав ба истифода дода шуд
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
РӮЗИ ХИЗМАТЧИИ ДАВЛАТӢ. Дар Тоҷикистон ташкили ин ниҳод яке аз дастовардҳои давраи соҳибистиқлолӣ мебошад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
