Имрӯз дар Тоҷикистон барф меборад

ДУШАНБЕ, 22.01.2026 /АМИТ «Ховар»/. Имрӯз дар Тоҷикистон ҳавои абрнок пешгӯӣ шуда, дар баъзе ноҳияҳо барфи бошиддат меборад. Дар ин хусус АМИТ «Ховар» бо истинод ба Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон  хабар медиҳад.

Дар Вилояти Мухтори Кӯҳистони Бадахшон ҳавои абрнок пешгӯӣ шуда, дар ғарби вилоят бориши борон ва барф дар назар аст. Дар шарқи вилоят асосан ҳавои бебориш дар назар буда, дар баъзе минтақаҳо тӯфони барфӣ ба амал меояд. Шамол аз самти ғарб бо суръати 5-10,  дар баъзе ноҳияҳо бо шиддати то 15-20 метр дар як сония мевазад. Ҳаво дар ғарби вилоят шабона 3-8 дараҷа хунук, рӯзона аз 2 дараҷа хунук то 3 дараҷа гарм, дар шарқи вилоят шабона 12-17 дараҷа хунук ва рӯзона 7-12 дараҷа хунук мешавад.

Дар вилояти Суғд ҳавои тағйирёбанда пешгӯӣ шуда, дар водиҳо барф меборад. Дар баъзе ноҳияҳои кӯҳӣ барфи бошиддат борида,  дар ноҳияҳои алоҳида туман  мефарояд. Шамол аз самти ғарб бо суръати 5-10, дар ноҳияҳои алоҳида бо шиддати то 13-18 метр дар як сония мевазад. Ҳаво дар водиҳо шабона 1-6 дараҷа хунук ва рӯзона аз 1 дараҷа хунук то 4 дараҷа гарм, дар ноҳияҳои кӯҳӣ шабона 3-8 дараҷа хунук ва рӯзона 1-6 дараҷа хунук мешавад.

Дар вилояти Хатлон ҳавои абрнок пешгӯӣ шуда, рӯзона дар баъзе ноҳияҳо барфи бошиддат борида, туман мефарояд. Шамол аз самти ғарб бо суръати 5-10, дар баъзе ноҳияҳо бо шиддати то 18-23 метр дар як сония мевазад. Ҳаво дар водиҳо шабона аз 2 дараҷа хунук то 3 дараҷа гарм ва рӯзона 0-5 дараҷа хунук, дар доманакӯҳҳо шабона аз 2 дараҷа хунук то 3 дараҷа гарм ва рӯзона 1-6 дараҷа хунук мешавад.

Дар ноҳияҳои тобеи ҷумҳурӣ ҳавои тағйирёбанда пешгӯӣ шуда, дар водиҳо бориши барф дар назар аст. Дар баъзе ноҳияҳои кӯҳӣ барфи бошиддат борида, дар ноҳияҳои алоҳида туман мефарояд. Шамол аз самти ғарб бо суръати 5-10, дар баъзе ноҳияҳо бо шиддати то 15-20 метр дар як сония мевазад. Ҳаво дар водиҳо шабона ва рӯзона аз 3 дараҷа хунук то 2 дараҷа гарм ва дар ноҳияҳои кӯҳӣ шабона 1-6 дараҷа хунук ва рӯзона аз 2 дараҷа хунук то 3 дараҷа гарм мешавад.

Дар шаҳри Душанбе ҳаво абрнок шуда, бориши барф пешгӯӣ карда мешавад. Дар баъзе ҳолатҳо барфи бошиддат меборад. Шамол аз самти ғарб бо суръати 2-7, дар баъзе ҳолатҳо бо шиддати то 7-12  метр дар як сония мевазад. Ҳаво шабона 1-3 дараҷа хунук ва рӯзона аз 1 дараҷа хунук 1 дараҷа гарм мешавад.