Лоиҳаи Қонуни Ҷумҳурии Тоҷикистон «Дар бораи дастгирии содирот» таҳия карда шуд
ДУШАНБЕ, 30.01.2026 /АМИТ «Ховар»/. Лоиҳаи Қонуни Ҷумҳурии Тоҷикистон «Дар бораи дастгирии содирот» таҳия карда шуд. Дар ин хусус имрӯз зимни нишасти матбуотӣ директори Агентии содироти назди Ҳукумати Ҷумҳурии Тоҷикистон Сироҷиддин Баҳриддинзода иттилоъ дод.
Қабули қонун дар оянда барои пешбурди содирот, ҳавасмандгардонии ҳамаҷонибаи содироти маҳсулоти ниҳоӣ ва иштирок дар занҷираҳои арзиши иловашуда дар минтақа, баланд бардоштани ҷолибияти сармоягузорӣ ба соҳаҳои ба содирот нигаронида, дарёфти бозорҳои нав, дарёфти роҳҳои такмили инфрасохтори нақлиётӣ ва логистикӣ мусоидат менамояд.
«Барои муаррифии лоиҳаи Қонуни Ҷумҳурии Тоҷикистон «Дар бораи дастгирии содирот» дар агентӣ бо иштироки намояндагони вазорату идораҳо ҷаласаи гурӯҳи кории байниидоравӣ баргузор гардида, пас аз дастрас гардидани хулосаҳои дахлдори вазорату идораҳои марбута лоиҳаи қонун тибқи тартиби муқарраргардида ба Ҳукумати Ҷумҳурии Тоҷикистон пешниҳод карда мешавад. Инчунин бо қарори Ҳукумати Ҷумҳурии Тоҷикистон моҳи ноябри соли 2025 «Барномаи давлатии рушди содироти Ҷумҳурии Тоҷикистон барои солҳои 2026-2030» тасдиқ гардид»,-тазаккур дод директори агентӣ.
Дар нишаст инчунин иттилоъ дода шуд, ки аз ҷониби Агентии содирот Портали ягонаи содиротии Тоҷикистон ҳамчун савдои электронӣ таъсис дода шуд. Дар он махзани маълумоти маҳсулоти содиротии ватанӣ, феҳристи содироткунандагон, воситаи ҷойгиркунии фармоишҳо ва пешниҳодҳо оид ба таҳвили маҳсулот ҷойгир карда шуда, тавассути портал бақайдгирии шартномаҳои содиротӣ ва назорати иҷрои онҳо таъмин карда мешавад.
Раъно НУСРАТУЛЛО,
АМИТ «Ховар»
АКС: АМИТ «Ховар»
Масъалаҳои рушди ҳамкории Тоҷикистон ва Русия дар соҳаи энергетика баррасӣ гардиданд
Намояндаи Тоҷикистон дар Конфронси 30-юми ҷаҳонии сармоягузорӣ дар Женева иштирок кард
Тоҷикистон ва Қазоқистон дар соҳаи рушди низоми тиҷорати электронӣ ҳамкориро тақвият медиҳанд
Байни Тоҷикистон ва Арабистони Саудӣ дар самти муқовимат ба коррупсия Ёддошти тафоҳум оид ба ҳамкорӣ ба имзо расид
САРФАИ НЕРУИ БАРҚ МАСЪУЛИЯТИ АХЛОҚИИ ҲАР ЯК ШАҲРВАНД АСТ! Чанд тавсия дар Рӯзи байналмилалии сарфаи энергия
Дар Конфронси байналмилалии телекоммуникатсия се самти афзалиятноки рушди соҳаи алоқаи Тоҷикистон муаррифӣ гардид
РӮЗИ БАЙНАЛМИЛАЛИИ САРФАИ ЭНЕРГИЯ. Истифодаи самараноки неруи барқ яке аз ҳадафҳои муҳими Стратегияи миллии рушди Тоҷикистон аст
Тоҷикистон ва Қазоқистон ҳамкориро дар соҳаи зеҳни сунъӣ густариш медиҳанд
Идоракунии устувори захираҳои обҳои зеризаминӣ дар Тоҷикистон баррасӣ гардид
Пахтакорони пешсафи ноҳияи Дӯстӣ қадрдонӣ карда шуданд
Дар ноҳияи Спитамен ба зимистонгузаронӣ ва таъмини фаъолияти устувори шабакаҳои барқӣ омодагӣ мебинанд
Ҳамкории саноатӣ ва сармоягузории Тоҷикистону Қазоқистон густариш меёбад
