Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
ДУШАНБЕ, 30.01.2026 /АМИТ «Ховар»/. 29 январ дар кумита оид ба корҳои байналмилалӣ, иттиҳодияҳои ҷамъиятӣ ва иттилооти Маҷлиси намояндагони Маҷлиси Олии Ҷумҳурии Тоҷикистон бо мақсади дарёфти роҳҳои таҳкими ҳамкорӣ ва баррасии масъалаҳои марбут ба инъикоси раванди амалишавии «Барномаи давлатии рушди телевизион ва радио дар Ҷумҳурии Тоҷикистон барои солҳои 2021-2025» муҳокимаи парламентӣ баргузор гардид. Дар ин хусус ба АМИТ «Ховар» аз Кумитаи телевизион ва радиои назди Ҳукумати Ҷумҳурии Тоҷикистон хабар доданд.
Зимни баргузории муҳокимаи парламентӣ самаранокии натиҷаҳои ин барномаи давлатӣ, рақобатпазирии соҳаи телевизион ва радио, нақши соҳа дар таъмини амнияти иттилоотии мамлакат ва роҳҳои асосии рафъи мушкилоти соҳа мавриди баррасӣ қарор дода шуд.
Иброз гардид, ки ҳадафи асосии барнома баланд бардоштани сатҳ ва сифати барномаҳои телевизионӣ ва радиоӣ, мутобиқ намудани онҳо ба талаботи муосир ва ҷавобгӯ гардонидан ба ниёзҳои ҷомеа мебошад.
«Рушди устувори соҳаи телевизион ва радио бе такмили мунтазами қонунгузорӣ, мутобиқсозии он ба стандартҳои байналмилалӣ ва баланд бардоштани масъулияти иҷтимоии воситаҳои ахбори омма ғайриимкон аст», – таъкид шуд дар муҳокима.
Дар шароити муосир бо зуҳури телевизиони рақамӣ, интернетӣ ва платформаҳои стримингӣ зарур аст, ки меъёрҳои ҳуқуқӣ на танҳо пахши анъанавӣ, балки мундариҷаи рақамӣ, ҳифзи ҳуқуқи муаллиф, маълумоти шахсӣ ва масъулияти паҳнкунандаи иттилоотро низ фаро гиранд. Ҳамчунин забони давлатӣ, фарҳанг, таърих ва анъанаҳои миллӣ бояд дар фазои телевизионӣ ҷойгоҳи шоиста дошта бошанд.
АКС: Кумитаи телевизион ва радиои назди Ҳукумати Ҷумҳурии Тоҷикистон
ИСТИФОДАИ САМАРАНОКИ ЗАМИН. Сокини Ҷамоати деҳоти Ҳилолии ноҳияи Хуросон аз гармхонааш то се ҳосил мегирад
Дар Рашт оид ба тарбияи ҷавонон ҳамчун воситаи муҳим дар муқовимат ба коррупсия машғулият доир гардид
Имрӯз дар баъзе минтақаҳои Тоҷикистон борони кӯтоҳмуддати хусусияти селӣ дошта пешгӯӣ мешавад
ТАҚВИМИ АМИТ «ХОВАР»: имрӯз 27 май, чоршанбе, 147-умин рӯзи соли 2026 аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
