Намояндаи Тоҷикистон бо Раиси Шурои иқтисодӣ ва иҷтимоии Созмони Милали Муттаҳид мулоқот намуд
ДУШАНБЕ, 15.01.2026 /АМИТ «Ховар»/. Намояндаи доимии Ҷумҳурии Тоҷикистон дар Созмони Милали Муттаҳид Ҷонибек Ҳикмат бо Раиси Шурои иқтисодӣ ва иҷтимоии Созмони Милали Муттаҳид (ECOSOC) Лок Баҳодур Тапа мулоқот намуд.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, ҷонибҳо зимни мулоқот роҷеъ ба авлавияти Шурои иқтисодӣ ва иҷтимоии Созмони Милали Муттаҳид дар соли 2026, аз ҷумла тақвияти ҳамоҳангӣ дар низоми Созмони Милали Муттаҳид ва татбиқи Рӯзномаи 2030 оид ба рушди устувор мубодилаи афкор намуданд.
Ҳарду ҷониб зимнан ба масоили марбут ба об ва тағйирёбии иқлим, аз ҷумла аҳамияти онҳо барои рушди устувор, тобоварии иқлим ва ниёзҳои кишварҳои осебпазир, бахусус кишварҳои рӯ ба тараққии маҳсур дар хушкӣ таваҷҷуҳи махсус доданд. Дар ин замина уҳдадориҳои мамлакат барои пешбурди ҳамкории ҷаҳонии об ва амалҳо барои татбиқи Ҳадафи 6-уми рушди устувор, хусусан зимни Форуми сиёсии сатҳи баланд таъкид карда шуд.
Дар фарҷоми мулоқот намояндаи доимӣ даъватномаи расмиро барои иштирок дар 4-умин Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор», 2018–2028, ки аз 25 то 28 майи соли 2026 дар шаҳри Душанбе баргузор мегардад, ба Раиси Шурои иқтисодӣ ва иҷтимоии Созмони Милали Муттаҳид супорид.
АКС: Вазорати корҳои хориҷии Ҷумҳурии Тоҷикистон
Дар Минск ҷаласаи навбатии Шурои намояндагони ваколатдории доимии ИДМ баргузор гардид
Ҳамкории судманди Тоҷикистон ва Миср баррасӣ гардид
Дар Москва ба хотири гиромидошти Шоири халқии Тоҷикистон Лоиқ Шералӣ маҳфили адабӣ доир шуд
Вазоратҳои корҳои хориҷии Тоҷикистону Алҷазоир ҳамкориро дар самти бозомӯзии дипломатҳо тақвият мебахшанд
Ҳайати Тоҷикистон дар Конфронси байналмилалии шаҳрҳои дӯстии Чин – 2026 иштирок намуд
Дар Берлин ҳамкории тиҷоратию иқтисодии Тоҷикистон ва Олмон баррасӣ карда шуд
Дурнамои рушди ҳамкории Тоҷикистону сохторҳои Созмони Милали Муттаҳид баррасӣ гардид
Масъалаи иштироки ҳайати Тоҷикистон дар Конфронс оид ба тағйирёбии иқлим дар Анталия баррасӣ гардид
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Сафири Тоҷикистон бо роҳбари иҷроияи ширкати олмонии «Knauf» Мурат Акилдиз мулоқот намуд
Сафири Тоҷикистон бо Вазири саноати Алҷазоир мулоқот намуд
Фаррух Шарифзода бо Дабири кулли қолаби «Осиёи Марказӣ – Чин» Сун Вэйдун мулоқот намуд
