Нашриёти «Орван» китоби «Ҳазор марворид»-ро ба нашр расонид
ДУШАНБЕ, 07.01.2026 /АМИТ «Ховар»/. Нашриёти «Орван»-и Теҳрон китоби «Ҳазор марворид»-ро аз чоп баровард, иттилоъ медиҳад АМИТ «Ховар» бо истинод ба Муассисаи фарҳангии Созмони ҳамкории иқтисодӣ /ECO/.
«Ҳазор марворид» бо ибтикори коршиноси тоҷик дар Муассисаи фарҳангии Созмони ҳамкории иқтисодӣ Шоҳмансури Шоҳмирзо ба нашр расид. «Ҳазор марворид» ном гирифтани китоб рамзист, зеро дар он ҳазор зарбулмасал аз даҳ кишвари аъзои Созмони ҳамкории иқтисодӣ –Тоҷикистон, Эрон, Афғонистон, Покистон, Узбекистон, Қазоқистон, Туркманистон, Қирғизистон, Озарбойҷон ва Туркия гирд оварда шудааст.
Дар нашри китоби «Ҳазор марворид» сафоратхонаҳои давлатҳои аъзои Созмони ҳамкории иқтисодӣ ва Муассисаи фарҳангии ЭКО саҳми муносиб гузоштаанд. Аз ҳар 10 давлат сад зарбулмасал бо забони маҳаллӣ интихоб ва бо забони англисӣ ва форсӣ тарҷума шудаанд.
Созмони ҳамкории иқтисодӣ созмони байниҳукуматии минтақавӣ аст, ки соли 1985 аз ҷониби Эрон, Покистон ва Туркия барои рушди ҳамкории иқтисодӣ, техникӣ ва фарҳангӣ байни кишварҳои аъзо таъсис дода шудааст. Соли 1992 созмон бо пайвастани ҳафт аъзои нав: Афғонистон, Озарбойҷон, Қазоқистон, Қирғизистон, Тоҷикистон, Туркманистон ва Узбекистон боз ҳам густариш ёфт. Созмони ҳамкории иқтисодӣ аз дурнамои дурахшони тиҷоратӣ бой аст. ЭКО ба созмони минтақавии рушдёбанда табдил ёфтааст. Нуфузи он дар арсаи байналмилалӣ рӯз аз рӯз меафзояд. Давоми 12 соли охир кишварҳои аъзо барои афзоиши суръати рушди минтақавӣ ҳамкориро густраиш додаанд.
Созмони ҳамкории иқтисодӣ якчанд лоиҳаро дар самтҳои афзалиятноки ҳамкорӣ, аз ҷумла энергетика, тиҷорат, нақлиёт, кишоварзӣ ва дигар соҳаҳо оғоз кардааст.
Марзия САИДЗОДА,
АМИТ «Ховар»
АКС аз манбаъҳои боз
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
