НИШАСТИ МАТБУОТӢ. Ба истиқболи 35-солагии Истиқлоли давлатӣ беш аз 90 фоизи иншооти банақшагирифташуда ба истифода дода шудаанд
ДУШАНБЕ, 29.01.2026 /АМИТ «Ховар»/. Ба истиқболи 35-солагии Истиқлоли давлатии Ҷумҳурии Тоҷикистон беш аз 90 фоизи иншооти банақшагирифташуда ба истифода дода шудаанд. Дар айни замон 28 ҳазору 11 (90,7%) иншоот мавриди истифода қарор гирифта, дар 2499 (8,1) иншоот корҳо идома доранд. Дар ин хусус Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Низом Мирзозода 29 январ зимни нишасти матбуотӣ ба хабарнигорон иттилоъ дод.
Раиси кумита Низом Мирзозода гуфт, ки бо ҷиҳати иҷрои дастуру супоришҳои Президенти Ҷумҳурии Тоҷикистон бо мақсади баҳодиҳии риояи меъёри қоидаҳои шаҳрсозӣ, регламентҳои техникии сифати технологии корҳои сохтмонӣ, мавод ва маснуоти сохтмонӣ, инчунин дигар санадҳои қонунгузории шаҳрсозӣ дар бино ва иншооти сохташаванда бо мақсади таъмини ба зилзилатобоварии биною иншоот ва санҷиши мехсутуни асосҳои бино ба иншоот дар шаҳру ноҳияҳои ҷумҳурӣ озмоишгоҳи махсусгардонида бо таҷҳизоти муосири замонавӣ таъсис дода шудааст.
«Санҷиши мехсутунҳо дар майдони сохтмонӣ тибқи талабот, тартиб ва меъёру қоидаҳои сохтмонӣ амалӣ карда мешавад. Мақсади асосии санҷиш- ин муайян намудани қобилияти борбардории мехсутунҳо мебошад, ки баъди санҷиш бо натиҷаи ҳисоби конструктивӣ муқоиса карда мешавад», – иброз дошт Низом Мирзозода.
Бояд гуфт, ки бархе сокинон аз сифати пасти баъзе биноҳои истиқоматии навбунёд изҳори нигаронӣ менамоянд. Ба андешаи онҳо, дар қисме аз хонаҳои истиқоматӣ баъди ба истифода супоридан аломатҳои тарқиш дар деворҳо, нишасти таҳкурсӣ, камбудиҳои корҳои дохилӣ, инчунин риоя нашудани меъёрҳои бехатарӣ ба мушоҳида мерасанд.
Низом Мирзозода гуфт, ки таъсиси озмоишгоҳи махсусгардонида маҳз бо ҳамин мақсад ба роҳ монда шудааст. Тавассути санҷиши техникии мехсутунҳо ва таҳкурсии биноҳо имкон фароҳам меояд, ки камбудиҳо сари вақт ошкор ва бартараф карда шаванд. Ҳамчунин таъкид шуд, ки нисбат ба шахсону ташкилоте, ки ба вайрон намудани меъёрҳои шаҳрсозӣ роҳ медиҳанд, пайваста тадбирҳои қонунӣ андешида мешаванд.
Иттилоъ дода шуд, ки соли 2025 ба масоҳати умумии 2 миллиону 127,1 метри мураббаъ хонаҳои истиқоматӣ ба истифода дода шудаанд, ки нисбат ба ҳамин давраи соли 2024 122,3% фоизро ташкил медиҳад.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар вилояти Суғд беш аз 15 ҳазор иншоот бунёд гардидааст
Дар ноҳияи Восеъ муассисаҳои таълимӣ навсозӣ карда мешаванд
Дар ноҳияи Бобоҷон Ғафуров сохтмони бинои нави муассисаи таълимӣ идома дорад
Дар ноҳияи Ёвон навсозии иншооти варзишӣ ва сохтмони муассисаҳои томактабӣ вусъат меёбад
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат коргоҳи коркарди моҳии ҶДММ «Баҳор»-ро ифтитоҳ намуданд
Пешвои миллат Эмомалӣ Раҳмон дар шаҳри Ваҳдат ба таври фосилавӣ 16 иншооти таъиноти гуногунро ба истифода доданд
Сарвари давлат Эмомалӣ Раҳмон дар шаҳри Ваҳдат корхонаи истеҳсолии «Алянс мебел»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат аз намоиши маҳсулоти кишоварзӣ, ҳунарҳои мардумӣ ва таомҳои миллӣ дидан намуданд
Пешвои миллат Эмомалӣ Раҳмон ба татбиқи лоиҳаи барқарорсозии роҳи мошингарди «Ваҳдат – Оби Гарм» оғоз бахшиданд
Сарвари давлат Эмомалӣ Раҳмон дар шаҳри Ваҳдат маркази ташхисӣ ва табобатии «Лормед»-ро ба истифода доданд
Роҳи ҷумҳуриявии Душанбе-Шарора-Ҳисор пурра мумфарш карда шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
