НИШАСТИ МАТБУОТӢ. «Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026-2030» омода гардид
ДУШАНБЕ, 30.01.2026 /АМИТ «Ховар»/. Бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олии Ҷумҳурии Тоҷикистон 28 декабри соли 2024 вобаста ба бунёди 800 муассиса дар маҳаллаҳои аҳолинишине, ки беш аз 100 оила зиндагӣ мекунад, «Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026-2030» омода ва бо вазорату идораҳои марбута мувофиқа карда шуд. Чунин иттилоъ дод имрӯз зимни нишасти матбуотӣ Вазири маориф ва илми Ҷумҳурии Тоҷикистон Раҳим Саидзода ба хабарнигорон.
Ба иттилои Вазири маориф ва илм, барои дастрасии бештари кӯдакон ба таълиму тарбияи томактабӣ Намунаи бинои марказҳои рушди барвақтии кӯдак тасдиқ шуда, номгӯи таҷҳизоте, ки бояд дар гурӯҳҳои рушди барвақтии кӯдак мавҷуд бошанд, муайян ва дастраси раёсату шуъбаҳои маорифи шаҳру ноҳияҳо гардид. Ҳамзамон иттилоъ дода шуд, ки Барномаи таълиму тарбияи барвақтӣ тавассути бозӣ ва Дастурамали марказҳои таълимии ҳамоҳангсозии инкишофи барвақтии кӯдак омода ва барои истифода пешниҳод карда шуд.
«Бо мақсади таъмини рушди барвақтии кӯдак, танзим ва ҳамоҳангсозии фаъолияти муассисаҳои томактабӣ, марказҳо (гурӯҳ)-ҳои инкишофи барвақтии кӯдак ва шаклҳои дигари алтернативӣ таҳияи санадҳои меъёрии ҳуқуқӣ ва дастурҳои таълимию методӣ дар назди Вазорати маориф ва илм Шурои машваратӣ – ҳамоҳангсозии таҳсилоти томактабии фарогир таъсис дода шуд»,- афзуд Вазири маориф ва илм.
Иттилоъ дода шуд, ки бо мақсади фарогирии бештар ва дастрасии кӯдакон ба таълиму тарбияи томактабӣ дар назди муассисаҳои таҳсилоти умумӣ 3154 маркази инкишофи барвақтии кӯдак бо фарогирии 182 ҳазору 744 кӯдак таъсис дода шуд. Ин нишондиҳанда нисбат ба ҳамин давраи соли 2024 270 марказ ва 51 ҳазору 427 кӯдак зиёд мебошад.
«Дар маҷмуъ, фарогирӣ ба зинаи таҳсилоти томактабӣ 310 ҳазору 657 нафар ё 30,1 фоизро ташкил медиҳад, ки нисбат ба соли 2024 65 ҳазору 370 кӯдак ва 6,9 фоиз зиёд мебошад. Иҷрои нақшаи сохтмони муассисаҳои томактабии хусусӣ тибқи «Барномаи рушди таҳсилоти томактабӣ ва миёнаи умумии хусусӣ дар Ҷумҳурии Тоҷикистон барои солҳои 2022-2027» 152 фоизро ташкил медиҳад», -афзуд Раҳим Саидзода.
Зарангези ЛАТИФ,
АМИТ «Ховар»
АКС: АМИТ «Ховар»
Донишгоҳи давлатии омӯзгории Тоҷикистон соҳиби сертификати UNESCO-UNEVOC гардид
Байни Академияи сайёҳии Донишгоҳи байналмилалии сайёҳӣ ва соҳибкории Тоҷикистон ва Донишгоҳи Тартуи Эстония Ёддошти тафоҳум ба имзо расид
Даври ниҳоии Озмуни ҷумҳуриявии «Илм — фурӯғи маърифат» ифтитоҳ гардид
Намояндаи Тоҷикистон ғолиби овоздиҳии байналмилалии Ҷоизаи «Евразия-2026» гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Вазорати маорифи Чин Ёддошти тафоҳум оид ба ҳамкорӣ ба имзо расид
Аз 11550 хатмкунандаи муассисаҳои таҳсилоти ибтидоии касбӣ 8488 нафар бо ҷойи кори доимӣ таъмин шуданд
Хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Дар Донишгоҳи миллии Тоҷикистон доир ба пажуҳиши илмӣ ва усулҳои ба роҳ мондани он ҳамоиш доир шуд
Академияи идоракунии давлатии Тоҷикистон бо Ҷамъияти ҳуқуқшиносони Шанхай ҳамкориро тақвият медиҳад
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
