НИШАСТИ МАТБУОТӢ. Дар 824 деҳаи Тоҷикистон таҳқиқоти муҳандисию геологӣ гузаронида шуд
ДУШАНБЕ, 27.01.2026 /АМИТ «Ховар»/. Тибқи Лоиҳаи «Умури давлатии мушоҳидаи равандҳои экзогенӣ-геологӣ барои солҳои 2020–2025» дар 824 деҳаи ҳудуди шаҳру ноҳияҳои тобеи ҷумҳурӣ, Вилояти Мухтори Кӯҳистони Бадахшон ва вилоятҳои Суғду Хатлон таҳқиқоти муҳандисӣ-геологӣ гузаронида шуд. Дар натиҷаи ин таҳқиқот ба 127 хоҷагӣ ва 1 муассисаи таҳсилоти миёнаи умумӣ барои аз ҷойи хавфнок ба ҷойи бехавф кӯчонидан пешниҳод дода шуд. Дар ин хусус 27 январ зимни нишасти матбуотӣ дар Саридораи геологияи назди Ҳукумати Ҷумҳурии Тоҷикистон иттилоъ дода шуд.
Зимни нишасти матбуотӣ дар робита ба суоли хабарнигори АМИТ «Ховар» вобаста ба он, ки аз шумораи мавзеъҳои хавфноки пешниҳодшуда то имрӯз чанд хоҷагӣ ба ҷойи бехавф кӯчонида шудаанд ва дар ин минтақаҳо кадом равандҳои хавфноки табиӣ бештар мушоҳида гардиданд, зеро ба онҳо тавсияи ба мавзеъҳои бехавф кӯчидан дода шуд, Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадҷонзода посух дод, ки дар ҳама минтақаҳое, ки аз ҷониби геологҳои тоҷик таҳқиқоти муҳандисӣ-геологӣ гузаронида мешаванд, натиҷаҳои он ба Комиссияи давлатии Ҳукумати Ҷумҳурии Тоҷикистон пешниҳод карда мешаванд. Дар асоси хулосаи пешниҳодшуда Комиссияи давлатии мамлакат масъалаи ҷудо намудани минтақаҳои бехавф, яъне мавзеъҳои нави зист барои ҷойгир намудани муҳоҷирони дохилии экологиро баррасӣ менамояд.
«Дар ҳолати ҷудо гардидани қитъаҳои нави замин аз ҷониби Саридораи геология боз таҳқиқоти муҳандисӣ-геологӣ гузаронида шуда, бехавфии минтақаҳои пешниҳодшуда муайян карда мешавад. Баъдан барои зиндагӣ кардан иҷозат дода мешавад», – иброз дошт Сардори Саридораи геологияи тоҷик.
Гуфта шуд, ки аҳолӣ асосан бо сабаби хатарҳои равандҳои экзогенӣ-геологӣ, аз ҷумла лағжиши замин, сел, фурӯравӣ ва дигар офатҳои табиӣ кӯчонида мешавад.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
