НИШАСТИ МАТБУОТӢ. Соли 2026 ҳаққи хизмати обрасонӣ пурра тавассути низоми биллингӣ пардохт мегардад
ДУШАНБЕ, 29.01.2026 /АМИТ «Ховар»/. Агентии беҳдошти замин ва обёрии назди Ҳукумати Ҷумҳурии Тоҷикистон ба нақша гирифтааст, ки соли 2026 ҳаққи хизмати обрасонӣ пурра ба тариқи системаи биллингӣ пардохт карда шавад. То имрӯз барои иҷрои Қарори Ҳукумати Ҷумҳурии Тоҷикистон аз 28 марти соли 2023 «Дар бораи тадбирҳои солимгардонии вазъи иқтисодию молиявии низоми беҳдошти замин, обёрӣ ва энергетикии ҶумҳурииТоҷикистон» оид ба гузаштан ба пардохти ғайринақдӣ 61 фоизи заминҳо ба системаи биллингӣ ворид карда шудаанд. Ин матлабро директори Агентии беҳдошти замин ва обёрии назди Ҳукумати Ҷумҳурии Тоҷикистон Зафарбек Давлатзода имрӯз зимни нишасти матбуотӣ баён намуд.
Таъкид гардид, ки системаи биллингӣ дар Тоҷикистон, махсусан дар соҳаи обёрӣ барои ба танзим даровардани пардохти ҳаққи хизматрасонии об, осон кардани ҷамъоварии маблағ аз хоҷагиҳо ва шаффофгардонии кори ассотсиатсияҳо истифода мешавад. Ин система барои беҳтар кардани идоракунии захираҳои об ва зиёд кардани ҷамъоварии маблағ барои нигоҳдории пойгоҳҳои обкашӣ муҳим аст.
Зафарбек Давлатзода гуфт, ки “дар ҷумҳурӣ 383,7 ҳазор гектар замин ба системаи биллингӣ ворид карда шуда, 220,4 ҳазор истифодабарандагон бо ID код таъмин гардидаанд. Пардохти ҳаққи хизмати обрасонӣ ба тариқи низоми биллингӣ 63 миллиону 390 ҳазор сомониро ташкил медиҳад”.
Дар ҷараёни нишасти матбуотӣ иттилоъ дода шуд, ки дар мавсими обдиҳии соли 2025 бо истифодаи 7,3 миллион кВт/соат неруи барқ дар як шабонарӯз то 275 дастгоҳи обкашӣ ва 74 чоҳи амудӣ фаъолият намуда, заминҳои кишоварзиро бо оби полезӣ таъмин намуданд.
Соли 2025 тавассути пойгоҳҳои обкашӣ дар ҷумҳурӣ бо истифодаи 1 миллиарду 59,6 миллион кВт/соат неруи барқ 4 миллиарду 1,8 миллион метри мукааб об бароварда шуд. Нишондиҳандаи истифодаи неруи барқ нисбат ба соли 2024 8,77 миллион кВт/соат ва оби баровардашуда 102,86 миллион метри мукааб камтар мебошад.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Баҳодур Шерализода дар Ню-Йорк ва Вашингтон бо шарикони рушд ва ниҳодҳои байналмилалӣ оид ба ҳамкории иқлимӣ мулоқот намуд
МУҚОВИМАТ БА КОРРУПСИЯ. Ҷаласаи якуми гурӯҳи кории байниидоравӣ оид ба татбиқи Стратегияи давлатӣ баргузор гардид
Дар шаҳри Боку Форуми соҳибкории Тоҷикистону Озарбойҷон баргузор шуд
РАҚАМИКУНОНИИ ҲАМЛУ НАҚЛ. Тоҷикистон ва Қирғизистон нахустин маротиба низоми байналмилалии eTIR-ро озмуданд
Тавсеаи ҳамкории Тоҷикистон бо Котиботи давлатии Швейтсария оид ба масъалаҳои иқтисодӣ баррасӣ гардид
Вазорати молия натиҷаҳои таҳқиқоти «Буҷети кушода»-и соли 2025-ро муаррифӣ намуд
Дар Боку ҷаласаи 8-уми Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистону Озарбойҷон баргузор шуд
Тоҷикистон ва Чин ҳамкориро барои рушди энергетикаи «сабз» густариш медиҳанд
Дар Боку ҳамкории Тоҷикистон ва Озарбойҷон дар соҳаи меъморӣ ва сохтмон баррасӣ гардид
Бахшида ба Солҳои рушди иқтисоди рақамӣ ва инноватсия дар Маркази тадқиқоти стратегӣ ҳамоиш доир шуд
Дар Тоҷикистон мактаби технологияҳои рақамӣ бо тарҳ ва усулҳои муосир таъсис дода мешавад
Нақшаи истеҳсоли пилла дар шаҳри Левакант пурра иҷро гардид
