ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
ДУШАНБЕ, 10.01.2026 /АМИТ «Ховар»/. Бо ташаббус ва иқдоми дурандешонаи Президенти Ҷумҳурии Тоҷикистон муҳтарам Эмомалӣ Раҳмон дар солҳои соҳибистиқлолӣ соҳаи фарҳанг ба таври назаррас рушд карда, ин арзиши волои умумибашарӣ барои таҳкими дӯстию бародарӣ ва хештаншиносии аҳли ҷомеа заминаи мусоид фароҳам овард. Ин матлаб имрӯз дар шаҳри Душанбе зимни баргузории маросими қадрдонии кормандони вазорату идораҳо, ташкилоту муассисаҳо, мақомоти иҷроияи ҳокимияти давлатӣ ва аҳли фарҳангу санъат, ки дар баргузории чорабиниҳои сатҳи ҷумҳуриявию байналмилалӣ дар соли 2025 саҳми назаррас гузоштанд, баён гардид, иттилоъ медиҳад АМИТ «Ховар».
Вазири фарҳанги Ҷумҳурии Тоҷикистон Матлубахон Сатториён иброз намуд, ки соли 2025 бо саъю талошҳои Ҳукумати мамлакат 11 ёдгории мероси фарҳангии Хуттали қадим ба Феҳристи мероси ҷаҳонии ЮНЕСКО ворид карда шуд. Инчунин аз ҷониби ЮНЕСКО қабул шудани қатъномаҳо дар мавриди эътирофи шаҳри Панҷакент ҳамчун «Шаҳри ҷаҳонии ҳунарҳои дастӣ барои сӯзанидӯзӣ» ва бузургдошти 1050-солагии Робияи Балхӣ дар солҳои 2026-2027 далели ҷойгоҳи хоссаи меросу арзишҳои фарҳангию маънавии тоҷикон дар тамаддуни умумибашарӣ мебошад.
Зимни ҳамоиш аз ҷониби Вазорати фарҳанги Ҷумҳурии Тоҷикистон Агентии миллии иттилоотии Тоҷикистон «Ховар» барои ҳамкории судманд дар тарғибу ташвиқи ҳамоишҳои сатҳи ҷумҳуриявию байналмилалӣ бо Сипоснома сарфароз гардонида шуд.
Дар ҳамоиш гуфта шуд, ки соҳаи фарҳанг ҳамчун омили асосии тарбияи маънавию ахлоқии ҷомеа ва муаррифи таъриху маданияти миллӣ ҳамеша таҳти таваҷҷуҳи Ҳукумати мамлакат қарор дорад. Ҳамин аст, ки дар солҳои соҳибистиқлолӣ ин соҳаи муҳим рушд карда, ба дастовардҳои зиёд ноил гардид. Инчунин бо дастгириҳои пайвастаи Президенти Ҷумҳурии Тоҷикистон муҳтарам Эмомалӣ Раҳмон дар гӯшаю канори гуногуни мамлакат, аз ҷумла дурдасттарин ноҳияҳо иншооти фарҳангӣ мавриди истифода қарор гирифтанд.
Иттилоъ дода шуд, ки дар мамлакат дар даҳ соли охир 150 иншооти соҳаи фарҳанг ба истифода дода шуда, 350 иншоот таъмиру навсозӣ гардид.
Ёдовар мешавем, ки соли 2026 ба ифтихори ҷашни 35-солагии Истиқлоли давлатии Тоҷикистон дар шаҳри Душанбе бузургтарин иншооти соҳа – Театри миллӣ ба истифода дода мешавад.
АКС: АМИТ «Ховар»
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
