Блогерони тоҷик ба маблағи беш аз 5 миллион сомонӣ андоз супориданд
ДУШАНБЕ, 20.02.2026 /АМИТ «Ховар»/. Соли 2025 аз ҷониби блогерони тоҷик ба маблағи 5 миллиону 200 ҳазор сомонӣ ба буҷети давлатӣ андоз ворид гардид.
Тибқи иттилои Кумитаи андози назди Ҳукумати Ҷумҳурии Тоҷикистон, ба ҳолати 1 январи соли 2026 дар мақомоти андоз 119 субъекти тавассути шабакаи Интернет ва мессенҷерҳои иҷтимоӣ машғул ба фаъолияти блогерӣ ва пахши видеороликҳо ба қайди давлатӣ гирифта шуд.
Дар маҷмуъ, Кумитаи андоз дар фаъолияти субъектҳои ба фаъолияти тиҷорати электронӣ ва блогерӣ машғул ба маблағи 7 миллиону 600 ҳазор сомонӣ эҳтимоли кам ҳисоб намудани маблағи андозҳоро ошкор кардааст. Баъд аз дастрас намудани огоҳиномаҳо аз ин ҳисоб ба буҷети давлатӣ ба маблағи 5 миллиону 200 ҳазор сомонӣ андоз ворид гардид.
Бояд гуфт, ки дар асоси муқаррароти моддаи 185 Кодекси андози Ҷумҳурии Тоҷикистон ҳама гуна даромад, подошпулӣ ва манфиатҳое, ки андозсупоранда дар шакли пулӣ, моддӣ ва ғайримоддӣ аз фаъолияти сохибкорӣ гирифтааст, мавриди андозбандӣ қарор дода мешавад. Бинобар ин даромадҳои аз шабакаҳои иҷтимоӣ бадастовардаи блогерон мутобиқи талаботи ин моддаи Кодекси андоз мавриди андозбандӣ қарор дода мешаванд.
АКС: АМИТ «Ховар»
Дар доираи RES-2026 ҳамкории иқлимии кишварҳои Осиёи Марказӣ тақвият меёбад
Вилоятҳои Суғди Тоҷикистон ва Мински Беларус ҳамкории иқтисодию тиҷоратиро густариш медиҳанд
Дар АМИТ «Ховар» доир ба масъалаи муқовимат ба коррупсия вохӯрӣ баргузор гардид
Дар Тоҷикистон беш аз ҳазор гармхонаи доимамалкунанда фаъолият менамоянд
Дар ноҳияи Айнӣ майдони кишти картошка зиёд карда мешавад
Дар Тоҷикистон то соли 2040 беш аз 2 миллиард дарахт шинонида мешавад
Се ташкилоти қарзии молиявии Тоҷикистон аз рӯйхати таҳримҳо хориҷ карда шуд
Дар Душанбе Маркази минтақавии омӯзиш ва мониторинги пиряхҳо ва криосфераи Осиёи Марказӣ таъсис меёбад
Осонкунии ҳаракати воситаҳои нақлиёт тавассути сарҳади гумрукии Тоҷикистон ва Узбекистон баррасӣ гардид
«СУҒД-2026». Дар шаҳри Хуҷанд Намоишгоҳи байналмилалии савдо баргузор мешавад
Ҳукумати Тоҷикистон барориши вомбаргҳои «сабз»-ро амалӣ менамояд
Дар Душанбе Форуми дуҷонибаи соҳибкорӣ баргузор гардид
