Дар Донишгоҳи давлатии Кӯлоб синфхонаҳои таълимӣ ва озмоишгоҳ ба номи омузгорону донишмандони варзида гузошта шуданд
ДУШАНБЕ, 08.02.2026. /АМИТ «Ховар»/. Дар Донишгоҳи давлатии Кӯлоб ба номи Абуабдуллоҳи Рӯдакӣ барои фароҳам овардани шароити мусоиди таълиму тарбия якчанд синфхонаҳои таълимӣ ва озмоишгоҳ ба номи омузгорону донишмандони варзида таъсис дода шуданд.
Тавре ба АМИТ «Ховар» аз ин донишгоҳ хабар доданд, синфхонаҳо ва озмоишгоҳ ба поси хотири заҳмати пурсамари шахсиятҳое номгузорӣ гардидаанд, ки умри пурбаракати худро дар ин боргоҳи илму маърифат ба таълиму тарбияи насли ҷавон ва омодасозии мутахассисони баландихтисос бахшидаанд.
Таъмир ва ба истифода додани озмоишгоҳу синфхонаҳо дар доираи тадбирҳои ободонию созандагӣ дар муассиса амалӣ гардида, бо таҷҳизоти муосири таълимӣ муҷаҳҳаз гардонида шуданд. Синфхонаҳои навтаъсис дар факултети физика, математика ва информатика ба номи математикони варзидаи тоҷик — профессорон Раҳмат Акбаров ва Ислом Ғуломов мавриди истифодаи омӯзгорону донишҷӯён қарор гирифтанд.
Ҳамзамон дар ҳамин факултет озмоишгоҳи таълимии «Радиотехника» ба номи дотсент Абдукарим Зарифзода ифтитоҳ гардид. Он барои гузаронидани дарсҳои амалӣ, таҳкими донишҳои назариявӣ ва рушди малакаҳои касбии донишҷӯён пешбинӣ шудааст. Фаъолияти ин озмоишгоҳ ба баланд бардоштани сифати таълим ва омодасозии мутахассисони ҷавобгӯ ба талаботи замони муосир мусоидат хоҳад кард.
Зимни ифтитоҳ таъкид гардид, ки таъсиси чунин синфхонаҳо минбаъд дар дигар факултетҳои донишгоҳ низ дар назар дошта шудааст. Ҳадафи он табдил додани анъанаи арҷгузорӣ ба заҳмат ва рисолати омузгор ба ҷузъи ҷудонашавандаи фарҳанги донишгоҳӣ мебошад.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Байни Маркази барномаҳои байналмилалӣ ва Муассисаи фарҳангии АКК Созишнома оид ба омӯзиши забони ҷопонӣ ба имзо расид
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
Давраи чоруми бақайдгирии довталабон барои иштирок дар ИМД-2026 баргузор мегардад
