Дар Донишкадаи давлатии санъати тасвирӣ ва дизайни Тоҷикистон бахшида ба 1050-солагии Робиаи Балхӣ маҳфили адабӣ доир шуд
ДУШАНБЕ, 19.02.2026 /АМИТ «Ховар»/. Дар Донишкадаи давлатии санъати тасвирӣ ва дизайни Тоҷикистон бахшида ба 1050-солагии Робиаи Балхӣ маҳфили адабӣ баргузор гардид, хабар доданд ба АМИТ «Ховар» аз ин донишкада.
Иштирокдорон оид ба ҳаёту фаъолият ва эҷодиёти Робиаи Балхӣ сухан намуданд. Иброз гардид, ки Робиаи Балхӣ аввалин шоираи форсзабон аст, ки номаш бо ифтихор ва шаъну шараф дар солномаҳои боэътимод сабт шудааст.
Хабари нишотбахши фарҳангию адабӣ вобаста ба бузургдошти Робиаи Балхӣ дар ЮНЕСКО ҷомеаи илмии Тоҷикистонро бениҳоят шод гардонид. Ҷаласаи 43-юми Конфронси генералии ЮНЕСКО дар радифи 65 солгарду ҷашнвора ба феҳристи солҷашнҳо барои соли 2026-2027 таҷлили 1050-солагии Робиаи Балхӣ – нахустин зани суханвари тоҷикро низ ворид намуд, ки боиси сарфарозӣ ва ифтихори мо, ворисонаш мебошад.
Гуфта шуд, ки Робиаи Балхӣ дар охири асри Сомониён зиставу бо ашъори худ дар раванди эҳёи адабиёти оламгири он даврон иштироки фаъол доштааст. Дар охири давраи фаъолияти устод Рӯдакӣ сабки рӯдакивори шеъру адаби даврони Сомониёнро дар Балх идома бахшидааст.
Донишҷӯёни донишкада дар маҳфил аз ашъори ин шоири тоҷик шеър қироат намуданд.
АКС: Донишкадаи давлатии санъати тасвирӣ ва дизайни Тоҷикисто
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
