Дар Женева дар доираи иҷлосияи 61-уми Шурои ҳуқуқи инсони СММ чорабинии канории Тоҷикистон баргузор шуд
ДУШАНБЕ, 26.02.2026 /АМИТ «Ховар»/. 25 феврал дар ҳошияи Бахши сатҳи баланди иҷлосияи 61-уми Шурои ҳуқуқи инсони Созмони Милали Муттаҳид дар шаҳри Женева чорабинии канории Ҷумҳурии Тоҷикистон дар ҳамкорӣ бо Давлати Қатар ва ҳаммуаллифии Шурои ҳамкории давлатҳои арабии Халиҷ таҳти унвони «Ҷавонон ва зеҳни сунъӣ: ташаккули ояндаи ҳуқуқи инсон» баргузор гардид.
Тавре ба АМИТ «Ховар» аз Сафорати Ҷумҳурии Тоҷикистон дар Конфедератсияи Швейтсария хабар доданд, дар ҳамоиш намояндагони кишварҳои аъзои Шурои ҳуқуқи инсон, созмонҳои байналмилалию минтақавӣ ва коршиносони соҳа иштирок намуданд.
Бахусус доир ба мавзуи чорабинӣ намояндагони доимии Ҷумҳурии Тоҷикистон ва Давлати Қатар дар назди шуъбаи Созмони Милали Муттаҳид ва дигар ташкилоти байналмилалӣ дар Женева, муовини дабири кулли Иттиҳоди байналмилалии телекоммуникатсия Томас Ламанаускас, муовини якуми Агентии инноватсия ва технологияҳои рақамии назди Президенти Ҷумҳурии Тоҷикистон Ҳаким Исмоилзод (бо паёми видеоӣ), намояндагони Дафтари Комиссари Олии Созмони Милали Муттаҳид оид ба ҳуқуқи инсон ва созмони QatarDebate Centre, инчунин намояндаи Шурои ҳамкории давлатҳои арабии Халиҷ, сафир Абдулазиз Сулаймон Алнассер суханронӣ намуданд.
Сафири Фавқулода ва Мухтори Ҷумҳурии Тоҷикистон дар Конфедератсияи Швейтсария, Намояндаи доимии Ҷумҳурии Тоҷикистон дар назди Шуъбаи Созмони Милали Муттаҳид ва дигар ташкилоти байналмилалӣ дар Женева Шараф Шерализода иброз дошт, ки дар партави сиёсати созандаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ташаббусҳои миллӣ, минтақавӣ ва байналмилалии рушди рақамӣ, зеҳни сунъӣ ва ислоҳоти институтсионалӣ дар Тоҷикистон мавриди татбиқ қарор доранд. Ӯ афзуд, ки дар нуқтаи пайвасти зеҳни сунъӣ, ҷавонон ва ҳуқуқи инсон мо шоҳиди ҳам имконияти бузург ва ҳам хатарҳои ҷиддӣ ҳастем. Сафири Тоҷикистон таъкид намуд, ки ин падида ба таври афзоянда дар бахшҳои гуногуни ҳаёт – маориф, тандурустӣ, идоракунии давлатӣ, шуғлу хизматрасонӣ ва платформаҳои рақамии муошират мушоҳида гардида, истифодаи самараноки он ба нафъи мардум ва пешрафти ҷомеа аз вазифаҳои муҳим ба шумор меравад.
АКС: Сафорати Ҷумҳурии Тоҷикистон дар Конфедератсияи Швейтсария
Дар Олмон зарфияти иқтисодию сайёҳӣ ва мероси фарҳангии Тоҷикистон муаррифӣ гардид
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
