Донишҷӯёни Коллеҷи тиббии шаҳри Ҳисор бо шароити хизмати сарбозон шинос шуданд
ДУШАНБЕ, 18.02.2026 /АМИТ «Ховар»/. Бахшида ба Рӯзи Қувваҳои Мусаллаҳи Ҷумҳурии Тоҷикистон роҳбарият ва кормандони Муассисаи давлатии таълимии «Коллеҷи тиббии шаҳри Ҳисор» дар ҳамкорӣ бо бахши кор бо ҷавонон ва варзиши шаҳри Ҳисор ва намояндагони Кумитаи иҷроияи Ҳизби Халқии Демократии Тоҷикистон дар шаҳр ба яке аз қисмҳои ҳарбии Кумитаи давлатии амнияти миллии Ҷумҳурии Тоҷикистон, воқеъ дар шаҳри Ҳисор рафта, бо шароити хизмати сарбозону афсарон шинос шуданд.
АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад, ки ҳадафи ин ташаббус таҳкими ҳисси ватандӯстӣ, арҷгузорӣ ба хизмати содиқонаи ҳомиёни Ватан ва боло бурдани руҳияи маънавии ҷавонон мебошад.
Зимни вохӯрӣ бо сарбозон хизмату фидокории онҳо дар ҳифзи истиқлолият, амният ва суботи мамлакат муҳим арзёбӣ гардид. Гуфта шуд, ки Артиши миллӣ яке аз рукнҳои асосии давлатдорӣ ба шумор рафта, ҷавонони шуҷоъ ва ватандӯст бо хизмати софдилона сулҳу оромӣ ва амнияти ҷомеаро таъмин менамоянд.
Таъкид гардид, ки эҳтиром ба сарбоз ва қадршиносии хизматчиёни ҳарбӣ нишонаи эҳсоси баланди шаҳрвандӣ ва худшиносии миллӣ мебошад.
Донишҷӯёни муассиса бо шароити хизмат, тартиби рӯз, имконияти таълимӣ ва моддию техникии қисми ҳарбӣ, дар маҷмуъ бо ҳаёти сарбозони ин қисми низомӣ шинос шуданд. Чунин мулоқот барои донишҷӯён дарси амалии ватандӯстӣ ва масъулияти шаҳрвандӣ ҳисобида мешавад.
АКС: Мақомоти иҷроияи ҳокимияти давлатии шаҳри Ҳисор
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
