Хадамоти алоқа: Соли 2025 ҳаҷми хизматрасонии почта дар Тоҷикистон беш аз 18 миллион сомониро ташкил дод
ДУШАНБЕ, 01.02.2026 /АМИТ «Ховар»/. Соли 2025 ҳаҷми хизматрасониҳои почтавӣ ба аҳолӣ дар Тоҷикистон ба 18 миллиону 329 ҳазору 103 сомонӣ расонида шуд, ки нисбат ба ҳамин давраи соли 2024 (14 миллиону 19 ҳазору 656 сомонӣ) 130,7 фоиз зиёд мебошад. Дар ин хусус Сардори Хадамоти алоқаи назди Ҳукумати Ҷумҳурии Тоҷикистон Исфандиёри Саъдулло 28 январ зимни нишасти матбуотӣ иттилоъ дод.
Иброз гардид, ки дар доираи лоиҳаи рушди низоми почта автоматикунонии равандҳои муросилоти почтавӣ тавассути ҳамкории давлат ва бахши хусусӣ амалӣ мегардад. Бо ин мақсад таҷҳизоти системаҳои назоратии онлайнӣ дастрас карда шуда, дар назар аст, ки ояндаи наздик мавриди истифода қарор гиранд.
«Муосиргардонии низоми почта ба рушди тиҷорати электронӣ мусоидат намуда, сифати хизматрасониро беҳтар хоҳад кард. Ҳоло яке аз мушкилоти асосии соҳа таъхири расонидани бастаҳои почтавӣ мебошад», – изҳор дошт Исфандиёри Саъдулло.
Сардори хадамот гуфт, ки дар доираи «Стратегияи рушди соҳаи алоқаи Ҷумҳурии Тоҷикистон барои давраи то соли 2040» ва тибқи нақшаи логистикӣ дастрасии муросилоти почтавӣ вобаста ба минтақаҳо то 24 соат ба роҳ монда хоҳад шуд.
Иттилоъ дода шуд, ки ҳоло барои ба самтҳои гуногун фиристодани муросилоти почта ҳамкории судманд бо ҳамтоён аз кишварҳои Иттиҳоди Давлатҳои Мустақил ва хориҷи дуру наздик ба роҳ монда шудааст. Аз ҷумла, пас аз таваққуфи яксола соли 2025 мубодилаи почта бо Федератсияи Русия барқарор карда шуд.
Моҳинави НАВРӮЗ,
АМИТ «Ховар»
АКС: АМИТ «Ховар»
Нахустин Форум ва намоишгоҳи байналмилалии саноати хӯрокворӣ — Тоҷикистон-2026 баргузор мегардад
Дар Тоҷикистон беш аз 110 ҳазор тонна зироати ғалладонагӣ ҷамъоварӣ шудааст
Дар Минтақаи озоди иқтисодии «Суғд» корхонаи истеҳсоли дучарха ва сечархаҳои барқӣ сохта мешавад
Душанбе мизбони ҷаласаи 45-уми Шурои идоракунандагони Фонди иқлими сабз мегардад
Ҷаласаи 21-уми Гурӯҳи кории Барномаи махсуси СММ барои иқтисодиёти Осиёи Марказӣ (SPECA) оид ба савдо доир шуд
Нақшаи рушди низоми энергетикии Вилояти Мухтори Кӯҳистони Бадахшон муаррифӣ гардид
Хоҷагидорони ноҳияи Вахш аз як замин чанд ҳосил ба даст меоранд
РӮЗИ ҶАҲОНИИ БЕХАТАРИИ ОЗУҚАВОРӢ. 37 нуқтаи назорати давлатии бехатарии озуқаворӣ дар гузаргоҳҳои сарҳади давлатии Тоҷикистон фаъолият доранд
Дар Агентии обуҳавошиносӣ риояи Чаҳорчӯбаи васеъшудаи шаффофият дар доираи Созишномаи Парижро баррасӣ карданд
Масъалаи таъсиси корхонаи коркарди пашм ва бунёди боғи пистаи туркӣ дар вилояти Хатлон баррасӣ гардид
Бахшида ба Рӯзи кормандони мақомоти бехатарии озуқаворӣ ҳамоиш баргузор шуд
Байни Ҳукумати Тоҷикистон ва ширкатҳои «Канзи Диёр», «ТВЕА Душанбе саноати кӯҳӣ» созишномаҳои сармоягузорӣ ба имзо расид
