Хушкмеваҳои Тоҷикистон дар шаҳри Пензаи Федератсияи Русия талабгори зиёд пайдо намудаанд
ДУШАНБЕ, 19.02.2026 /АМИТ «Ховар»/. Дар шаҳри Пензаи Федератсияи Русия бо ташаббуси соҳибкори тоҷик ду мағозаи фурӯши маҳсулоти истеҳсоли Тоҷикистон ба фаъолият оғоз намуд.
Тавре мухбири АМИТ «Ховар» иттилоъ медиҳад, дар ин мағозаҳо хушкмеваҳои Тоҷикистон, аз ҷумла донаи зардолу, ғулинг, тут, чормағз, хуч, мавиз, себу нок, меваҳои консервашуда, полезиҳо, меваҷот ва сабзавоти тару тоза, инчунин маҳсулоти саноати хӯрокворӣ, аз ҷумла нӯшокиҳои ташнагишикан ва маҳсулоти қаннодӣ пешниҳоди харидорон мегарданд. Тамоми молу маҳсулоти ба фурӯш бароварда истеҳсоли Тоҷикистон мебошад. Ин омил дар муаррифии иқтидори истеҳсолии мамлакат ва ҷалби таваҷҷуҳи шаҳрвандони хориҷӣ ба маҳсулоти ватанӣ нақши муҳим дорад.
Дӯстдорони мева ва хушкмеваҳои Тоҷикистон дар Пенза зиёд буда, ин мағозаҳо аллакай муштариёни доимӣ пайдо намудаанд. Маҳсулоти содиротии Тоҷикистон асосан дар қуттиҳои картонӣ ва пластикии муосир, бо тарҳи зебо ва мутобиқ ба талаботи байналмилалӣ бастабандӣ гардида, ба рақобатпазирӣ дар бозори ҷаҳонӣ мусоидат менамояд.
Бояд гуфт, ки дар корхонаҳои коркард ва истеҳсоли хушкмеваи Ҷумҳурии Тоҷикистон имрӯз қариб 80 номгӯй маҳсулот истеҳсол мегардад. Танҳо аз навъҳои гуногуни зардолу беш аз 25 намуд ва ҳамзамон аз олу, себ, хурмо, шафтолу, анҷир, тут, лимӯ, чормағз, писта, бодом ва ангур (мавиз) маҳсулот истеҳсол карда мешавад.
Тоҷикистон ҳамчун мамлакати истеҳсолкунандаи зардолуи хушсифат эътироф гардида, рушди соҳаи коркард ва содироти хушкмеваҳо яке аз самтҳои муҳими иқтисоди миллӣ ба ҳисоб меравад. Ин раванд барои таъсиси ҷойи нави кор, афзоиши ҳаҷми содирот ва таҳкими мавқеи маҳсулоти тоҷикӣ дар арсаи байналмилалӣ заминаи мусоид фароҳам меорад.
АКС: АМИТ «Ховар»
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
