«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
ДУШАНБЕ, 19.02.2026 /АМИТ «Ховар»/. Дар Донишгоҳи давлатии ҳуқуқ, бизнес ва сиёсати Тоҷикистон иқдоми «Китоб-беҳтарин армуғон» идома дошта, аз ҷониби роҳбарон ва намояндагони мақомоту идораҳои ҳамкори донишгоҳ ба китобхонаи илмии он беш аз 200 китоб тақдим карда шуд.
Тавре аз ин донишгоҳ ба АМИТ «Ховар» хабар доданд, ин иқдом дар доираи баргузории ҳафтаи кафедраҳо ташкил гардида, то охири ҳафта идома меёбад.
Иброз гардид, ки баргузории чунин ҳамоишҳои илмию омӯзишӣ барои таҳкими заминаи назариявию амалӣ, рушди тафаккури илмӣ ва баланд бардоштани сатҳи касбияти омӯзгорону донишҷӯён аҳаммияти хосса дорад.
Дар шароити рушди босуръати технологияҳои муосир истифодаи васеи имконияти технологияҳои рақамӣ ва усулҳои инноватсионии таълим амри зарурӣ ба шумор меравад. Аз омӯзгорон даъват ба амал оварда шуд, ки дар раванди машғулият усулҳои фаъоли таълимро амалӣ намоянд. Ҳамчунин донишҷӯёнро ба омӯзиши амиқи фанҳо, азхудкунии технологияҳои муосир ва рушди малакаҳои таҳлилӣ ҷалб намоянд.
Бояд гуфт, ки баргузор намудани ҳафтаи кафедраҳо дар донишгоҳ иқдоми муҳим дар самти татбиқи сиёсати давлатии соҳаи маориф, рушди фаъолияти илмӣ ва таҳкими сифати таҳсил ба ҳисоб меравад.
Ёдовар мешавем, ки 17 феврал дар доираи ҳафтаи кафедраи ҳуқуқи маданӣ ва меҳнатии факултети ҳуқуқшиносии Донишгоҳи давлатии ҳуқуқ, бизнес ва сиёсати Тоҷикистон вохӯрии судяҳои суди шаҳри Хуҷанд бо устодон ва донишҷӯён баргузор гардид.
Ҳамоиш таҳти унвони «Пешгирии падидаҳои номатлуб дар ҷомеа» доир шуд. Дар он намояндагони факултет ва судяҳо оид ба масъалаҳои мубрами рӯз, нуктаҳои асосии Паёми Президенти Ҷумҳурии Тоҷикистон ба Маҷлиси Олӣ, инчунин пешгирии ифротгароӣ, авбошӣ ва ҷалби ҷавонон ба ҳизбу ҳаракатҳои номатлуб ибрози андеша намуданд.
Дар вохӯрӣ донишҷӯён оид ба амалияи судӣ саволҳо пешниҳод карда, посухҳои мушаххас гирифтанд.
Ёдовар мешавем, ки дар Донишгоҳи давлатии ҳуқуқ, бизнес ва сиёсати Тоҷикистон 6 факултет ва 30 кафедра фаъолият менамояд.
АКС: Донишгоҳи давлатии ҳуқуқ, бизнес ва сиёсати Тоҷикистон
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
