МАКТАБИ МАРДОНАГӢ. Волидайни сарбозон ба қисмҳои ҳарбӣ ба дидори фарзандонашон рафтанд
ҲИСОР, 19.02.2026/АМИТ «Ховар»/. Бахшида ба 33-солагии таъсиси Қувваҳои Мусаллаҳи Ҷумҳурии Тоҷикистон бо дастгирии Мақомоти иҷроияи ҳокимияти давлатии шаҳри Ҳисор падару модарон бо фарзандон — сарбозоне, ки дар сафи Артиши миллии мамлакат хизмат менамоянд, дидорбинӣ намуданд. Дар ин хусус ба хабарнигори АМИТ «Ховар» Субҳониддини Маҳмуд аз бахши матбуоти Раиси шаҳри Ҳисор иттилоъ доданд.
Волидайн таҳти роҳбарии муовини якуми Раиси шаҳри Ҳисор Сироҷиддин Каримзода ба дидорбинии фарзандонашон- сарбозоне, ки дар қисмҳои низомии вилояти Хатлон адои хизмат менамоянд, рафта, бо саломатӣ ва шароити хизмати ҳарбии онҳо шинос шуданд. Ҳамчунин барои 500 сарбози қисмҳои ҳарбӣ дастурхони идона ороста шуд.
Волидайни сарбозон аз он изҳори хурсандӣ намуданд, ки фарзандонашон дар беҳтарин шароит хизмати Ватан-Модарро адо менамоянд. Барои сарбозон ҷойи хоби муносиб,ошхонаҳои кушоду барҳаво, китобхона ва толорҳои варзишӣ, синфхонаҳои дарсхонӣ ва дигар имконият муҳайё мебошад.
Бо дидани ин шароиту имконият волидони сарбозон даъват ба амал оварданд, ки дар вазъияти имрӯзаи ҷаҳон ҳар падару модар бояд кӯшиш намояд, ки фарзандашро хуб тарбия карда, барои гузаштан аз ин мактаби мардонагӣ ва ҳифзи Ватан онҳоро ба сафи Артиши миллӣ гусел кунад.
АКС: Мақомоти иҷроияи ҳокимияти давлатии шаҳри Ҳисор
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
