Соли 2025 омӯзгорони муассисаҳои таҳсилоти миёнаи умумӣ беш аз 5 ҳазор нафар зиёд шуданд
ДУШАНБЕ, 01.02.2026. /АМИТ «Ховар»/. Дар соли таҳсили 2025-2026 9178 нафар омӯзгор дар муассисаҳои таҳсилоти миёнаи умумӣ ба кор қабул гардиданд, ки дар маҷмуъ, теъдоди омӯзгорон нисбат ба соли таҳсили 2024-2025 5 ҳазору 384 нафар зиёд шудааст. Дар ин хусус 30 январ зимни нишасти матбуотӣ Вазири маориф ва илми Ҷумҳурии Тоҷикистон Раҳим Саидзода ба хабарнигорон иттилоъ дод.
Раҳим Саидзода афзуд, ки бо мақсади таъмини муассисаҳои таълимии шаҳру ноҳияҳои ҷумҳурӣ бо омӯзгорони ҷавон фармоиши Вазири маориф ва илм аз 3 январи соли 2025 «Дар бораи тақсимоти мутахассисони ҷавон дар соли 2025» ба тасвиб расид.
«Дар асоси тақсимот ба 2439 хатмкардаи муассисаҳои таҳсилоти олии касбӣ, аз ҷумла 533 нафар тибқи квотаи Президенти Ҷумҳурии Тоҷикистон роҳхати Вазорати маориф ва илм барои ба ҷойи кор таъмин гардидан дода шуд. Аз ин теъдод 248 нафар ба муассисаҳои таълимии Вилояти Мухтори Кӯҳистони Бадахшон, 975 нафар ба муассисаҳои таълимии вилояти Хатлон, 635 нафар ба муассисаҳои таълимии вилояти Суғд, 196 нафар ба муассисаҳои таълимии шаҳри Душанбе ва 385 нафар ба муассисаҳои таълимии шаҳру ноҳияҳои тобеи ҷумҳурӣ рост меояд», -гуфт Раҳим Саидзода.
Ҳамзамон иттилоъ дода шуд, ки аз ҳисоби донишҷӯёни курсҳои 4 ва 5-и муассисаҳои таҳсилоти олии касбӣ 1944 донишҷӯ ба муассисаҳои таҳсилоти миёнаи умумӣ ҷалб гардид.
«Қабули омӯзгорон аз ҳисоби омӯзгорони собиқадор, аз рухсатии нигоҳубини кӯдак баргашта, хатмкардагони гурӯҳҳои фосилавӣ ва шартномавии муассисаҳои таҳсилоти касбӣ бо роҳхати Кумита оид ба таҳсилоти миёна ва ибтидоии касбӣ 7496 нафарро дар бар мегирад», -гуфт Вазири маориф ва илм.
Зарангези ЛАТИФ,
АМИТ «Ховар»
АКС: АМИТ «Ховар»
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
