Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
ДУШАНБЕ, 19.02.2026 /АМИТ «Ховар»/. Нозирони Раёсати назорати давлатии истифода ва ҳифзи олами набототу ҳайвонот ва захираҳои моҳии Кумитаи ҳифзи муҳити зисти назди Ҳукумати Ҷумҳурии Тоҷикистон зимни гузаронидани амалиёти назоратӣ дар ҳудуди шаҳру ноҳияҳои Ваҳдат, Рашт ва Тоҷикобод 12 ҳолати вайрон намудани талаботи қонунгузории соҳаи ҳифзи муҳити зистро ошкор намуданд, ки дар натиҷа нисбат ба шахсони масъул санад тартиб дода шуд. Дар ин хусус АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Дар ноҳияи Рашт ҳамчунин як ҳолати шикори ғайриқонунии кабк ошкор гардида, як яроқи шикорӣ ва 5 кабк мусодира карда шуд. Илова бар ин, 60 кабки зинда мусодира гардид. Ҳамчунин ба 280 шаҳрванд зарари шикори ғайриқонунӣ фаҳмонида шуд.
Иброз гардид, ки гузаронидани амалиёти назоратӣ ба сиёсати давлатии ҳифзи муҳити зист равона гардида, ҳадафи он ҳифзи гуногунии биологӣ, нигоҳдории тавозуни табиӣ ва пешгирии нобудшавии олами ҳайвоноту парандагон мебошад.
Маълум аст, ки бинобар боридани барфи зиёд дар фасли зимистон дар кӯҳҳо баъзе намудҳои парандагону ҳайвонот барои ҷустуҷӯи хошок ва дон ба водиҳо мефароянд. Бархе сокинони минтақаҳои наздикӯҳии мамлакат ба ҷои ба парандагон ва ҳайвонот додани дону хошок бо истифода аз яроқи шикорӣ ва тӯр аз пайи шикори онҳо мешаванд. Ин рафтори онҳо мухолифи қонунгузории Тоҷикистон дар самти ҳифзи олами набототу ҳайвонот мебошад.
Ҳифзи олами набототу ҳайвонот ва дар маҷмуъ табиат вазифаи муқаддаси ҳар шахс мебошад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
