Зиракии сиёсӣ ва худшиносии миллӣ-омили муқовимат ба таҳдидҳои замони муосир
ДУШАНБЕ, 19.02.2026 /АМИТ «Ховар»/. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ эълон гардидани соли 2026 дар Донишгоҳи давлатии Кӯлоб ба номи Абуабдуллоҳи Рӯдакӣ таҳти унвони «Зиракии сиёсӣ ва худшиносии миллӣ-омили муқовимат ба таҳдидҳои замони муосир» ҳамоиш доир гардид, хабар доданд ба АМИТ «Ховар» аз ин донишгоҳ.
Ректори Донишгоҳи давлатии Кӯлоб Мунир Сафарзода иброз намуд, ки эълони Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ (2026) марҳилаи муҳими татбиқи амалии сиёсати давлатӣ дар самти таҳкими пояҳои маънавию идеологии ҷомеа ба ҳисоб меравад. Дар ин маврид баргузории ҳамоишҳои сиёсӣ-маърифатӣ иқдоми саривақтӣ ва зарурӣ буда, ба татбиқи ҳадафмандонаи дастуру ҳидоятҳои роҳбарияти олии ҷумҳурӣ, тақвияти ҳисси ватандӯстӣ, арҷгузорӣ ба арзишҳои миллӣ ва баланд бардоштани масъулияти шаҳрвандӣ мусоидат менамояд.
Дар замони соҳибистиқлолӣ бо роҳнамоии сиёсати хирадмандонаи Президенти Тоҷикистон муҳтарам Эмомалӣ Раҳмон масъалаи таҳкими худшиносӣ ва ҳифзи арзишҳои миллӣ ба самти меҳварии сиёсати давлатӣ табдил ёфт. Худогоҳии миллӣ ва зиракии сиёсӣ метавонанд ҷомеаро аз таъсири андешаҳои ифротӣ, таблиғоти ғаразнок, ҷангҳои иттилоотӣ ва дигар таҳдидҳои идеологию фарҳангии замони муосир эмин нигоҳ доранд.
Дар идома дар мавзуи «Зиракии сиёсӣ ва худшиносии миллӣ-омили муқовимат ба таҳдидҳои замони муосир» маърузаи пурмуҳтаво пешниҳод гардид. Зиракии сиёсӣ чун унсури муҳими ташаккули ҷомеаи фаъоли шаҳрвандӣ арзёбӣ гардида, иброз шуд, ки дар шароити ҷаҳонишавӣ, бархӯрди манфиатҳо ва густариши фазои иттилоотӣ ҳар шаҳрванди огоҳ бояд қобилияти таҳлили воқеаҳо, фарқгузорӣ байни ахбори саҳеҳ ва бардурӯғ ва ҳифзи манфиатҳои миллиро дошта бошад. Худшиносии миллӣ пояи устувори ваҳдати миллӣ, суботи сиёсӣ ва рушди устувори давлат маҳсуб мешавад.
Дар шароити ҷаҳони пуртазоди имрӯза муттаҳид гардидани ҷомеа дар атрофи сиёсати пешгирифтаи Ҳукумати ҷумҳурӣ ва Президенти Ҷумҳурии Тоҷикистон муҳтарам Эмомалӣ Раҳмон, садоқат ба марзу буми Ватан, гиромидошти арзишҳои миллию соҳибдавлатӣ ва иҷрои содиқонаи вазифаҳои касбӣ аз ҷумлаи омилҳои муҳими муқовимат ба таҳдидҳои замони муосир мебошанд.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
35-СОЛАГИИ ИСТИҚЛОЛИ ДАВЛАТӢ. Дар Хатлон 341 иншооти соҳаи маориф ба истифода дода мешавад
Барои такмили ихтисоси мураббиёну омӯзгорон фаъолияти таълимӣ аз рӯйи низоми модулӣ оғоз гардид
Олимпиадаи даставӣ барои дарёфти «Ҷоми Сарраёсати маорифи шаҳри Душанбе» доир гардид
НИШАСТИ МАТБУОТӢ. Дар ноҳияи Носири Хусрав фарогирии кӯдакон ба муассисаи томактабӣ 3,2 фоиз зиёд гардидааст
«ИЛМ — ФУРӮҒИ МАЪРИФАТ». Малакаи котибони озмун барои кор бо портали электронӣ такмил дода мешавад
