Дар Корхонаи воҳиди давлатии «Роҳи оҳани Тоҷикистон» Рӯзи Модарро таҷлил намуданд
ДУШАНБЕ, 06.03.2026 /АМИТ «Ховар»/. Бахшида ба Рӯзи Модар дар Корхонаи воҳиди давлатии «Роҳи оҳани Тоҷикистон» ва корхонаҳои тобеи он ҷамъомади идона баргузор гардид. Дар ин хусус ба АМИТ «Ховар» аз Корхонаи воҳиди давлатии «Роҳи оҳани Тоҷикистон» иттилоъ доданд.
Зимни ҷамъомад иброз гардид, ки Ҳукумати мамлакат таҳти ғамхорӣ ва дастгириҳои доимии Президенти Тоҷикистон муҳтарам Эмомалӣ Раҳмон масъалаи таъмини ҳуқуқу манфиатҳои занон-модаронро ҳамеша дар маркази диққат қарор дода, вобаста ба имконият нисбат ба онҳо ҳамаҷониба ғамхорӣ зоҳир менамояд. Албатта, эҳтиром ва ғамхориву меҳрубониҳои Пешвои миллат нисбат ба занон-модарон барои ҳар фарди худогоҳу худшинос ва инсони комил намунаи ибрат аст.
Сарвари давлат пайваста дар суханрониҳояшон калимаи «Модар»-ро ба забон оварда, ба мақому манзалати зан арҷ мегузоранд, бо ҳаяҷони гуворою эҳсоси баланди инсонӣ аз назокату нафосат ва лаҳни ширину лаҳзаҳои рангини рӯзгори Модар ёдовар мешаванд ва барои дар хизматашон пайваста қарор доштан таъкиду ҳушдорҳои пурҳидояту пуррисолат рӯи забон меоранд.
Изҳор шуд, ки маҳз натиҷаи сиёсати хирадмандонаи Пешвои миллат аст, ки солҳои охир теъдоди занони мутахассису соҳибтаҷриба дар ҳама зинаҳои ҳокимияти давлатӣ–мақоми олии қонунгузор, ҳокимияти иҷроияю судӣ ва тамоми сохтору мақомоти дигари давлативу ҷамъиятӣ меафзояд. Имрӯз занон дар рушду нумуи соҳаҳои гуногун саҳми муносиб мегузоранд.
Аз ҷумла, таъкид карда шуд, ки дар Корхонаи воҳиди давлатии «Роҳи оҳани Тоҷикистон» дар қатори мардон занону духтарони зиёд дар бахшҳои гуногун фаъолияти пурсамар доранд. Роҳбарият ва масъулини корхона барои баланд бардоштани мақоми занон дар корхона ва вазъи иҷтимоии онҳо пайваста тадбирҳои зарурӣ андешида, нисбат ба онҳо ғамхорӣ зоҳир менамоянд.
Иштирокчиён афзуданд, ки бузургдошти модар ва эҳтирому қадрдонии ӯ ба поси заҳматҳояш қарзи ҳар инсони бошараф ва бонангу номус аст. Мо дар мавриде ба пирӯзиву комёбиҳо ноил мегардем, ки агар дуои неки модарро гирем, ба қадри ранҷу заҳмат, шири сафеди ҷонбахш ва дилсӯзиву ғамхориҳои ӯ расем.
АКС: Корхонаи воҳиди давлатии «Роҳи оҳани Тоҷикистон»
Дар Душанбе вазъи омодасозии кадрҳои баландихтисос дар соҳаи металлургия баррасӣ гардид
Бахшида ба Рӯзи байналмилалии кооператсия дар Донишгоҳи давлатии тиҷорати Тоҷикистон ҳамоиши илмӣ баргузор гардид
Соли равон 12 номгӯй китоби дарсӣ барои синфҳои 5-6 нашр карда мешавад
Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёнаи касбӣ ва олии касбӣ оғоз гардид
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
