Қабули ҳуҷҷатсупории довталабон барои иштирок дар бурсияи Ҳукумати Ҷумҳурии Индонезия оғоз шуд
ДУШАНБЕ, 12.03.2026 /АМИТ «Ховар»/. Қабули ҳуҷҷатсупории довталабон барои иштирок дар бурсияи Ҳукумати Ҷумҳурии Индонезия (KNB Scholarship) барои соли таҳсили 2026-2027 оғоз гардид. Дар ин хусус АМИТ «Ховар» бо истинод ба Муассисаи давлатии «Маркази барномаҳои байналмилалӣ» иттилоъ медиҳад.
Бурсияи мазкур ба шаҳрвандони кишварҳои дар ҳоли рушд имконият медиҳад, ки дар донишгоҳҳои бонуфузи Ҷумҳурии Индонезия дар зинаҳои зерин таҳсил намоянд:
– бакалавриат (Bachelor Degree)
– магистратура (Master Degree)
– докторантура (Doctoral Degree)
Таҳсил дар доираи барнома дар донишгоҳҳои шарики Ҷумҳурии Индонезия ба роҳ монда шуда, довталабон метавонанд аз рӯйи ихтисосҳои гуногун таҳсил намоянд.
Талаботи асосӣ ба довталабон — ин ҳуҷҷати таҳсилоти дахлдор (аттестати мактаби миёна барои бакалавр, дипломи бакалавр барои магистратура ва дипломи магистр барои докторантура), донистани забони англисӣ дар сатҳи зарурӣ (TOEFL, IELTS, TOEIC ё муодили он), пешниҳоди номаҳои тавсиявӣ ва дигар ҳуҷҷатҳои зарурӣ мутобиқи талаботи барнома ва пешниҳоди видеои муаррифии шахсӣ ва пур намудани дархости онлайн мебошад.
Ба иттилои манбаъ, муҳлати ниҳоии пешниҳоди ҳуҷҷатҳо то 31 марти соли 2026 муқаррар карда шудааст.
Барои гирифтани маълумоти муфассал оид ба шартҳои иштирок, рӯйхати пурраи ҳуҷҷатҳои зарурӣ ва тартиби пешниҳод довталабон метавонанд ба Муассисаи давлатии «Маркази барномаҳои байналмилалӣ» муроҷиат намоянд.
Суроға: шаҳри Душанбе, кӯчаи Мирзо Турсунзода, 47, тел.: 223-23-59
АКС аз манбаъҳои боз
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
