Агентии «Тоҷикстандарт» зиёда аз 120 ҳазор воситаи ченаки корхона ва муассисаҳоро корношоям ҳисобид
ДУШАНБЕ, 25.03.2026. /АМИТ «Ховар»/. Дар натиҷаи гузаронидани корҳои фаҳмондадиҳӣ соли 2025 аз ҷониби мутахассисони Агентии «Тоҷикстандарт» 120 ҳазору 69 воситаи ченаки корхона ва муассисаҳо бо сабаби муҳлати санҷишиашон гузаштан ва ё таъмирталаб будан корношоям ҳисобида шуданд. Дар ин хусус АМИТ «Ховар» бо истинод ба Агентии «Тоҷикстандарт» хабар медиҳад.
Ба иттилои манбаъ, бо мақсади татбиқи қонунгузории соҳаи таъмини ченаки ягона дар ҷумҳурӣ соли 2025 аз ҷониби мутахассисон дар 766 корхона ва муассисаи давлатӣ корҳои фаҳмондиҳӣ гузаронида шуда, 276 ҳазору 390 воситаи ченак аз санҷиш гузаронида шуд.
Инчунин бо мақсади татбиқи қонунгузории соҳаи таъмини ченаки ягона дар ҷумҳурӣ ва бо мақсади татбиқи Қонуни Ҷумҳурии Тоҷикистон «Дар бораи таъмини ченаки ягона» давоми соли 2025 дар озмоишгоҳҳои санҷиш ва андозагирии воситаҳои ченаки Агентӣ 550 ҳазору 211 воситаи ченак аз санҷиши эътимоднокии давлатӣ гузаронида шуданд, ки нисбат ба ҳамин давраи соли 2024 111 ҳазору 745 адад зиёд мебошад.
Аз ин шумора 444 245 ададро воситаҳои ченаке ташкил медиҳанд, ки ҳангоми баҳисобгирии захираҳои сӯзишворию энергетикӣ истифода мешаванд. Аз ҷумла, дар давраи ҳисоботӣ 382 ҳазору 360 ҳисобкунаки барқӣ, 4734 сутунчаи тақсимоти сӯзишвории нафтӣ, 2443 сутунчаи гази моеъ, 442 автосистерна ва 161 махзани нигоҳдории сӯзишвории нафтӣ (резервуарҳо) аз санҷиши мутобиқат ва андозагирӣ гузаронида шуданд.
Соли 2025 аз тарафи мутахассисони Агентӣ ҳамзамон 54 ҳазору 105 ҳисобкунаки обӣ таҳти санҷиши мутобиқати давлатӣ қарор дода шуд.
АКС: Агентии «Тоҷикстандарт»
Дар Суғд яке аз нахустин лоиҳаҳои бузурги «энергетикаи сабз» – бунёди неругоҳи офтобӣ дар ноҳияи Ашт ба анҷом расонида шуд
Имрӯз дар Душанбе вохӯрии чоруми вазирони саноати СҲИ баргузор гардид
Президенти Тоҷикистон: «Шумораи корхонаҳои саноатӣ дар Суғд дар солҳои соҳибистиқлолӣ 11 баробар афзоиш ёфт»
Ҷаласаи Шуро оид ба сайёҳии давлатҳои аъзои ИДМ баргузор шуд
Татбиқи лоиҳаҳои муштарак барои рушди устувори иқтисодӣ ва иҷтимоии Тоҷикистон бо Бонки исломии рушд баррасӣ шуд
Дар Душанбе ҷаласаи сеюми Гурӯҳи кории сатҳи баланди СҲИ оид ба саноат доир гардид
Дар Душанбе Форуми байналмилалии нассоҷӣ-Тоҷикистон–2026 баргузор гардид
Дар Тоҷикистон ҷамъоварии ангур идома дорад
Таҳкими ҳамкорӣ байни Тоҷикистон ва Созмони озуқаворӣ ва кишоварзӣ дар Рим баррасӣ гардид
Намояндагони Тоҷикистон дар Конфронси глобалии Созмони озуқаворӣ ва кишоварзӣ дар Италия иштирок намуданд
Рушди фарҳанги экологӣ дар ҷаласаи Шурои экологии Иттиҳоди Давлатҳои Мустақил баррасӣ карда шуд
Намояндагони Бонки Осиёии Рушд бо фаъолияти гузаргоҳи «Фотеҳобод — Ойбек» шинос шуданд
