Ҳайати Тоҷикистон дар ҷаласаи 70-уми Комиссияи Созмони Милали Муттаҳид оид ба мақоми зан иштирок дорад
ДУШАНБЕ, 11.03.2026 /АМИТ «Ховар»/. 9 март дар қароргоҳи Созмони Милали Муттаҳид дар шаҳри Ню-Йорк ҷаласаи 70-уми Комиссияи Созмони Милали Муттаҳид оид ба мақоми зан (CSW-70) ифтитоҳ гардид. Дар ин ҷаласа ҳайати Тоҷикистон таҳти роҳбарии Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода иштирок дорад.
Тавре аз Кумитаи кор бо занон ва оилаи назди Ҳукумати Ҷумҳурии Тоҷикистон ба АМИТ «Ховар» хабар доданд, дар ин ҷаласа раиси кумита Бунафша Файзиддинзода доир ба пешбурди сиёсати гендерӣ дар Тоҷикистон, дастгирии занон дар мамлакат, таҳкими ҳуқуқу имконияти баробари занону мардон, баланд бардоштани нақши занон дар ҳаёти сиёсӣ ва иҷтимоӣ, инчунин беҳтар намудани дастрасии занону духтарон ба таҳсил, хизматрасониҳои иҷтимоӣ ва адолати судӣ маъруза пешниҳод менамояд.
Иттилоъ дода шуд, ки зимни ҷаласа ба баррасии масоили таъмин ва таҳкими дастрасӣ ба адолати судӣ барои ҳамаи занон ва духтарон, аз ҷумла тавассути пешбурди низомҳои фарогир ва одилонаи ҳуқуқӣ, аз байн бурдани амалияи табъизомез, инчунин бартараф намудани монеаҳои сохторӣ аҳамияти махсус дода мешавад.
Ёдовар мешавем, ки ҷаласаи 70-уми Комиссияи Созмони Милали Муттаҳид оид ба мақоми зан аз 9 то 19 март идома меёбад.
Иттилоъ дода шуд, ки 10 март Раиси Кумитаи кор бо занон ва оилаи Тоҷикистон Бунафша Файзиддинзода бо занону духтарони тоҷики муқими Ню Йорк вохӯрӣ намуд.
Дар вохӯрӣ масъалаҳои марбут ба таҳкими робита бо ҳамватанони бурунмарзӣ, баланд бардоштани нақши занон дар ҷомеа, дастгирии ташаббусҳои занон ва ҷалби онҳо ба рушди соҳаҳои гуногун мавриди баррасӣ қарор гирифт.
Иброз шуд, ки бо шарофати сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон масъалаи баланд бардоштани мақоми зан дар ҷомеа яке аз самтҳои муҳими сиёсати давлатии Тоҷикистон ба ҳисоб меравад. Аз ин рӯ занону духтарони тоҷик, новобаста аз макони зист метавонанд бо ташаббус ва фаъолияти созанда дар муаррифии фарҳанг, арзишҳои миллӣ ва дастовардҳои Тоҷикистон саҳми назаррас гузоранд.
АКС: Намояндагии доимии Тоҷикистон дар Созмони Милали Муттаҳид
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
