Ба нақши беназири модарон дар ҳаёти оила ва ҷомеа ҳамеша арҷ гузошта мешавад
ДУШАНБЕ, 07.03.2026 /АМИТ «Ховар»/. 6 март дар Маркази тадқиқоти стратегии назди Президенти Ҷумҳурии Тоҷикистон бахшида ба таҷлили 35‑солагии Истиқлолияти давлатии Ҷумҳурии Тоҷикистон ва Рӯзи Модар таҳти унвони «Саҳми занон дар ташаккули арзишҳои миллӣ» ҳамоиш баргузор шуд, хабар доданд ба АМИТ «Ховар» аз ин марказ.
Директори Маркази тадқиқоти стратегӣ Хайриддин Усмонзода гуфт, ки ин рӯз рамзи эҳтиром, муҳаббат ва қадршиносии модарон буда, нақши беназири онҳо дар ҳаёти оила ва ҷомеа ҳамеша арҷгузорӣ мегардад.
Хайриддин Усмонзода модаронро на танҳо сарчашмаи ҳаёт ва оила, балки пояи маънавӣ ва ахлоқии ҷомеа номид. Модарон бо меҳру садоқат ва матонат насли ояндаро тарбия намуда, бо ҳисси масъулият ва ватандӯстӣ дар пешрафт ва созандагии давлат саҳм мегузоранд.
Гуфта шуд, ки Ҳукумати Тоҷикистон ва Пешвои миллат муҳтарам Эмомалӣ Раҳмон ба баланд бардоштани мақоми занон, фароҳам овардани имконияти баробар барои таҳсил, фаъолияти касбӣ ва иштироки фаъол дар идоракунии давлатӣ аҳамияти махсус медиҳанд. Ин сиёсати давлат заминаи устувори рушди иҷтимоӣ, фарҳангӣ ва иқтисодии кишварро таъмин менамояд.
Хайриддин Усмонзода занонро ташвиқ намуд, ки бо илҳоми модарона ва ҷасорати хосса дар корҳои илмӣ ва таҳқиқотӣ фаъолона иштирок намуда, бо ҳисси масъулият ва созандагӣ дар бунёди ҷомеаи муосир ва пешрафтаи Тоҷикистон саҳм гузоранд.
Дар ҳамоиш дар мавзуъҳои «Антропологияи созандагӣ – зани тоҷик ҳамчун созандаи арзишҳои миллӣ», «Нақши занон дар рушди иқтисоди миллӣ: аз арзиши маънавӣ то неруи стратегии давлатдорӣ» ва «Нақши занон дар таҳкими муносибатҳои байналмилалӣ» маърузаҳо пешниҳод гардиданд.
Изҳор гардид, ки Сарвари давлат зимни мулоқоту суҳбатҳо пайваста таъкид менамоянд, ки ҷомеаи пешрафта бе иштироки фаъолонаи занон рушд карда наметавонад. Зеро занону духтарон қувваи бузурги эъмори ҷомеаи озоду пешрафта буда, маҳз бо назардошти ҳамин нақши сарнавиштсоз Ҳукумати мамлакат масъалаи таъмини ҳуқуқу манфиатҳои занону модаронро дар меҳвари сиёсат қарор додааст.
АКС: Маркази тадқиқоти стратегии назди Президенти Ҷумҳурии Тоҷикистон
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
