Бахшида ба 1050-солагии Робиаи Балхӣ дар Донишгоҳи давлатии Кӯлоб конференсияи илмӣ-назариявӣ доир гардид
ДУШАНБЕ, 24.03.2026 /АМИТ «Ховар»/. Дар Донишгоҳи давлатии Кӯлоб ба номи Абуабдуллоҳи Рӯдакӣ бахшида ба 1050-солагии шоир ва бонуи суханвари адабиёти тоҷику форс Робиаи Балхӣ дар мавзуи «Робиаи Балхӣ ва ташаккули анъанаи суханварии занон дар адабиёти тоҷику форс» конференсияи илмӣ-назариявӣ баргузор гардид. Дар ин хусус ба АМИТ «Ховар» аз ин донишгоҳ хабар доданд.
Иштирокчиёни конференсия дар мавзуъҳои «Аввалин зани порсигӯ» ва «Симои Робиа ва таҷаллии ишқи ӯ дар «Илоҳинома»-и Фаридуддини Аттор» маъруза намуда, доир ба нақш ва ҷойгоҳи Робиаи Балхӣ дар рушду пешрафти адабиёти тоҷику форс ибрози андеша карданд.
Иброз шуд, ки адабиёт дар ҳама давру замон инъикоси зиндагии маънавии инсон, бозтоби ормонҳо, арзишҳо ва ҷаҳонбинии ҳар миллат маҳсуб мешавад. Дар таърихи пурғановати адабиёти тоҷику форс шахсиятҳое ҳастанд, ки бо истеъдоди фавқулода ва андешаи тозаи худ дар рушди фарҳанг ва шеъру сухан нақши мондагор гузоштаанд. Яке аз чунин чеҳраҳои барҷаста ва таърихсоз Робиаи Балхӣ мебошад, ки ҳамчун нахустин зани шоир дар адабиёти тоҷику форс мақоми хос дошта, дар ташаккули анъанаи суханварии занон нақши муҳим бозидааст.
Баён гардид, ки ҳарчанд аз мероси адабии Робиаи Балхӣ то имрӯз миқдори хеле кам — ҳамагӣ беш аз панҷоҳ байт ба мо расидааст, ҳамин осори маҳдуд низ аз истеъдоди нодир ва маҳорати баланди шоирии ӯ шаҳодат медиҳад. Робиаи Балхӣ бо эҷодиёти нозуку пурмуҳтавояш дар ғанӣ гардонидани мероси адабӣ саҳми арзанда гузоштааст.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
