Бахшида ба 35-солагии Истиқлоли давлатӣ дар Хатлон 6260 иншооти гуногун ба истифода дода шуд
ДУШАНБЕ, 07.03.2026 /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон дар шаҳру ноҳияҳои вилояти Хатлон 6260 иншооти гуногун бунёд гардидааст. Дар ин хусус зимни мулоқоти Раиси вилояти Хатлон Давлаталӣ Саид бо соҳибкорони шаҳри Бохтар иттилоъ дода шуд, хабар медиҳад АМИТ «Ховар».
Раиси вилояти Халон иброз дошт, ки дар асоси дастуру супоришҳои Президенти ҷумҳурӣ муҳтарам Эмомалӣ Раҳмон ба истиқболи ҷашни 35-солагии Истиқлоли давлатӣ дар мамлакат корҳои ободониву созандагӣ вусъати тоза касб намудаанд. Дар ин замина бунёди корхонаҳои истеҳсолӣ ва хизматрасонӣ, сохтмон ва таъмири роҳҳо, пулу нақбҳо, муассисаҳои соҳаҳои маориф, тандурустӣ, фарҳанг ва варзиш, инчунин таъсиси ҷойи нави кор идома дорад.
Изҳор гардид, ки соли 2025 тибқи маълумоти оморӣ дар миқёси шаҳру ноҳияҳои вилоят 636 километр роҳҳои маҳаллӣ мумфарш гардида, инчунин 108 пул бо дарозии умумии 3419 метр таъмиру навсозӣ шудаанд. Аз ин ҳисоб мумфаршкунии 628 километр роҳ, ё 98,7 фоизи роҳҳои мумфаршшуда ва 55 пул бо дарозии 892 метр маҳз бо саҳми соҳибкорон ва аҳолӣ анҷом дода шудааст. Дар натиҷа соли 2025 ҳаҷми мумфаршкунии роҳҳо 2,3 баробар афзоиш ёфта, шумораи пулҳо низ 37 адад бештар гардид.
Давлаталӣ Саид дархосту пешниҳодҳо ва ташаббусҳои соҳибкоронро шунида, барои ҳалли масъалаҳо ба масъулин дастур дода шуд.
Дар фарҷоми мулоқот раиси вилоят соҳибкоронро даъват намуд, ки дар таҷлили сазовори 35-солагии Истиқлоли давлатии Ҷумҳурии Тоҷикистон саҳми арзанда гузошта, дар рушди истеҳсолот, афзоиши содирот, таъсиси ҷойи нави кор ва ободу зебо гардидани шаҳри Бохтар фаъолона саҳм гузоранд.
АКС: Хадамоти матбуоти Раиси вилояти Хатлон
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
