Дар Академияи идоракунии давлатӣ даври муассисавии Озмуни ҷумҳуриявии «Шоҳномахонӣ» оғоз гардид
ДУШАНБЕ, 12.03.2026 /АМИТ «Ховар»/. Дар Академияи идоракунии давлатии назди Президенти Ҷумҳурии Тоҷикистон даври муассисавии Озмуни ҷумҳуриявии «Шоҳномахонӣ» бо иштироки донишҷӯёну кормандон оғоз гардид, хабар медиҳад АМИТ «Ховар» бо истинод ба академия.
Дар ҷараёни озмун донишҷӯён порчаҳо аз «Шоҳнома»-ро бо маҳорати баланд қироат намуда, донишу маҳорати худро нишон доданд. Иштирокчиён кӯшиш намуданд, ки мазмуну муҳтавои асарро бо эҳсоси баланди ватандӯстӣ ва ҳунари суханварӣ баён намоянд. Озмун идома дошта, дар фарҷом аз ҷониби доварон ғолибони даври муассисавӣ ба даври навбатии озмун роҳхат мегиранд.
Ноиби ректор оид ба илм ва инноватсия Карамалишо Карамалишоев оид ба аҳамияти баргузории озмун иброз дошт, ки озмун ба ҳифз ва тарғиби мероси адабии ниёгон, аз ҷумла асари безаволи Абулқосим Фирдавсӣ — «Шоҳнома» равона шудааст. «Шоҳнома» ҳамчун яке аз шоҳкориҳои адабиёти ҷаҳонӣ дар тарбияи ҳисси ватандӯстӣ, ифтихор аз таъриху фарҳанги миллӣ ва баланд бардоштани маърифати маънавии ҷавонон нақши муҳим дорад.
Бо ташаббусҳои пайвастаи давлату Ҳукумати ҷумҳурӣ, махсусан иқдоми фарҳангпарваронаи Пешвои миллат чунин озмунҳо ба рушду густариши маърифати китобхонӣ ва эҳтиром ба арзишҳои фарҳангии миллат мусоидат менамоянд.
АКС: Академияи идоракунии давлатии назди Президенти Ҷумҳурии Тоҷикистон
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Даври сеюми Озмуни ҷумҳуриявии «Шоҳномахонӣ» баргузор мегардад
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
Дар Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе озмоишгоҳи нав ба истифода дода шуд
