Дар Донишгоҳи байналмилалии сайёҳӣ ва соҳибкории Тоҷикистон Рӯзи Модар бошукуҳ таҷлил карда шуд
ДУШАНБЕ, 06.03.2026 /АМИТ «Ховар»/. Занон дар баробари рушди донишгоҳ инчунин дар пешрафти илму маорифи мамлакат ва тарбияи мутахассисони баландихтисос нақши муассир доранд. Чунин гуфта шуд дар ҷамъомади тантанавие, ки дар Донишгоҳи байналмилалии сайёҳӣ ва соҳибкории Тоҷикистон бахшида ба Рӯзи Модар баргузор гардид. Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад.
Дар ҷамъомади тантанавӣ Ректори донишгоҳ Убайдулло Асрорзода гуфт, ки дар роҳи илму маърифат, тарбияи насли наврас ва рушди Ватан нақши модарон бузург аст. Бо назардошти мақому манзалати баланд ва саҳми арзишманди занону модарон дар ҳаёти сиёсиву иқтисодӣ ва иҷтимоиву фарҳангии мамлакат Ҳукумати Тоҷикистон масъалаи ҳифзи ҳуқуқу манфиатҳои онҳоро ҳамеша дар меҳвари сиёсати худ қарор додааст.
Тавре Президенти Ҷумҳурии Тоҷикистон муҳтарам Эмомалӣ Раҳмон иброз намудаанд, «дастгирии занону модарон, баланд бардоштани мақому манзалати онҳо ва фароҳам овардани зиндагии шоиста барои ин қишри муҳими ҷомеа аз самтҳои афзалиятноки сиёсати давлату Ҳукумат ба шумор меравад».
Ректори донишгоҳ изҳор намуд, ки теъдоди занон дар ҳайати роҳбарикунанда, омӯзгорону муҳаққиқони донишгоҳ сол ба сол рӯ ба афзоиш аст. Занони соҳиби дараҷа ва унвони илмӣ бо дониш, таҷриба ва маҳорати баланди касбӣ дар пешбурди фаъолияти илмию таълимӣ саҳми назаррас мегузоранд.
Ҳамзамон таъкид гардид, ки сафи донишҷӯдухтарон аз тамоми минтақаҳои ҷумҳурӣ пайваста меафзояд. Онҳо бо заковати баланд, талошу ҷаҳди пайгирона ва иродаи қавӣ ба насли ояндасози миллат табдил ёфта, дар арсаҳои гуногуни илм ва касбу ҳунар намунаи ибрат мебошанд. Роҳбарияти донишгоҳ комёбиҳои онҳоро нишонаи рушди муассиса ва ҷомеаи илмиву фарҳангии кишвар арзёбӣ намуд.
Таъкид гардид, ки дар даврони соҳибистиқлолӣ мақому манзалати зан дар ҷомеа боло рафта, барои фаъолияти пурсамари занону духтарон дар тамоми соҳаҳои ҳаёти ҷамъиятӣ шароити мусоид фароҳам оварда шуд.
АКС: Донишгоҳи байналмилалии сайёҳӣ ва соҳибкории Тоҷикистон
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
