Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
ДУШАНБЕ, 05.03.2026 /АМИТ «Ховар»/. Ҷонибҳои Тоҷикистон ва Туркманистон натиҷаҳои гуфтушунидҳоро дар ҷаласаи чордаҳуми Комиссияи муштараки байниҳукуматии Ҷумҳурии Тоҷикистон ва Туркманистон оид ба ҳамкории тиҷоратию иқтисодӣ ва илмию техникӣ созанда арзёбӣ намуданд. Дар ин хусус АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад.
Ҳамраисони Комиссия – муовини Сарвазири Ҷумҳурии Тоҷикистон Сулаймон Зиёзода ва муовини Раиси Девони вазирони Туркманистон Тангригулӣ Атахаллиев изҳор доштанд, ки ҷаласа дар фазои ҳамдигарфаҳмӣ ва ҳамкории мутақобили судманд баргузор гардида, тавофуқоти бадастомада барои густариши минбаъдаи муносибатҳои иқтисодию тиҷоратӣ ва робитаҳои илмӣ-техникӣ заминаи устувор мегарданд.
Пас аз мувофиқаи ҳама масъалаҳои рӯзнома аз ҷониби ҳамраисони Комиссия Протоколи ҷаласаи чордаҳуми Комиссияи муштараки байниҳукуматии Тоҷикистон ва Туркманистон оид ба ҳамкории тиҷоратию иқтисодӣ ва илмию техникӣ ба имзо расонида шуд. Ин санад самтҳои асосии фаъолияти минбаъдаро муайян намуда, ҳамчун қадами муҳим дар рушди муносибатҳои дӯстонаи кишварҳо хизмат мекунад.
Ҷонибҳо изҳори итминон намуданд, ки татбиқи саривақтӣ ва босамари тавофуқоти дар Протокол гуфташуда ба таҳкими робитаҳои иқтисодию иҷтимоӣ, афзоиши ҳаҷми савдои дуҷониба ва рушди ҳамкорӣ байни Тоҷикистон ва Туркманистон мусоидат менамояд.
АКС: Вазорати энергетика ва захираҳои оби Ҷумҳурии Тоҷикистон
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
