Дар Конфронси байналмилалии «Таҳаввулоти нақлиёт-2026» рушди инфрасохтори долонҳои нақлиётӣ баррасӣ шуд
ДУШАНБЕ, 13.03.2026 /АМИТ «Ховар»/. Тоҷикистон мамлакати кӯҳсор буда, дар чорроҳаи Осиёи Марказӣ ва Осиёи Ҷанубӣ ҷойгир аст ва роҳи баромад ба баҳр надорад, аз ин рӯ барои мо иртиботи нақлиётӣ на танҳо масъалаи инфрасохтор, балки масъалаи рушди иқтисодӣ, шуғл, устуворӣ, ҳамгироии минтақавӣ ва дастрасии баробар ба имконот низ мебошад. Ин нуктаро Вазири нақлиёти Тоҷикистон Азим Иброҳим зимни суханронӣ дар Конфронси байналмилалии «Таҳаввулоти нақлиёт-2026» (Transforming transportation-2026), ки дар Вашингтон баргузор шуд, иброз намуд.
АМИТ «Ховар» бо истинод ба Вазорати нақлиёти Тоҷикистон иттилоъ медиҳад, ки конфронс бо ибтикори Бонки ҷаҳонӣ ва Маркази шаҳрҳои устувори WRI Ross гузаронида шуда, иштирокдорони он мавзуъҳои мубрам, аз қабили «Долонҳои устувор барои алоқаи устувор» ва «Таъсиси ҷойи кор ва таъмини рушди иқтисодӣ» — ро баррасӣ намуданд.
Дар робита ба он ки давлатҳои ҷаҳон ба рушди низомҳои муосири нақлиёт сармоягузорӣ мекунанд, конфронси «Таҳаввулоти нақлиёт» нақши муҳими ин низомро дар дастрасии васеъ ба хизматрасониҳои нақлиётӣ, ташкили ҷойи нави кор ва ҳавасмандгардонии сармоягузории бахши хусусӣ таъкид намуд.
Вазири нақлиёти Тоҷикистон ҳамзамон оид ба рушди инфрасохтори минтақавӣ ва байналмилалии нақлиётии мамлакат ибрози назар намуд. Аз ҷумла, гуфт, ки «мо пайваста дар талоши он ҳастем, ки мавқеи ҷуғрофии Тоҷикистонро ба бартарии стратегӣ табдил дода, мақоми давлати ҷолиби транзитӣ ва шарики боэътимоди минтақавиро тақвият диҳем».
Азим Иброҳим се самти асосии ҳалли ин масъала -рушди инфрасохтори устувори нақлиёт, баланд бардоштани самаранокии долонҳои нақлиётӣ тавассути такмил додани расмиёт, логистика ва рақамикунонии соҳа ва ташаккули платформаи дарозмуддати сармоягузорӣ барои рушди долонҳои нақлиётиро матраҳ намуд.
Дар анҷом иқдоми Тоҷикистон дар самти ҳамкорӣ бо ниҳодҳои байналмилалии молиявӣ, кишварҳои ҳамсоя ва бахши хусусӣ баррасӣ шуда, изҳор гардид, ки долонҳои нақлиётӣ дар минтақаи мо ба долонҳои имконият ва рушди устувор табдил дода мешаванд.
АКС: Вазорати нақлиёти Ҷумҳурии Тоҷикистон
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
Намояндагони Тоҷикистон дар Форуми байналмилалии зиддикоррупсионӣ иштирок намуданд
Дар Тоҷикистон аввалин маҷмааи муосири истеҳсоли шиша бунёд мегардад
Дар ноҳияи Сино низоми «Пардохти ягонаи коммуналӣ» дар марҳилаи пилотӣ ҷорӣ мегардад
Тоҷикистон бо чанд давлати ҷаҳон муносибати савдои хориҷӣ дорад?
Дар Душанбе Форуми рушди технологияҳои иттилоотию коммуникатсионӣ баргузор шуд
Дар доираи ҷаласаи 45-уми Шурои идоракунандагони GCF барои Тоҷикистон 2 лоиҳаи нави муҳим ба маблағи 190 миллион доллар тасдиқ гардид
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
