Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
ДУШАНБЕ, 09.03.2026 /АМИТ «Ховар»/. Барои иҷрои бандҳои «Барномаи рушди соҳаи ҷангал барои солҳои 2022–2026» дар мавзеи Хоҷабулбулони минтақаи ҷангалпарварии ноҳияи Рӯдакӣ иқдоми муҳими ниҳолшинонӣ амалӣ гардида, дар доираи он дар 30 гектар зиёда аз 30 ҳазор бех ниҳолҳои ҷангалташкилкунанда шинонида шуданд. Дар ин хусус АМИТ «Ховар» бо истинод ба Агентии хоҷагии ҷангали назди Ҳукумати Ҷумҳурии Тоҷикистон хабар медиҳад.
Ин иқдом дар самти татбиқи сиёсати давлатии ҳифз ва рушди захираҳои ҷангал, беҳтарсозии вазъи экологӣ ва ғанигардонии фонди ҷангал қадами устувор арзёбӣ мегардад.
Бунёди чунин майдони нави ҷангалзор ба таҳкими амнияти экологӣ, коҳиши таъсири тағйирёбии иқлим ва таъмини рушди устувори соҳа мусоидат менамояд.
Ҳамзамон ин иқдом бо мақсади татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» амалӣ шуда, ба ҳифзи муҳити зист ва тозагии экология равона гардид.
Ин иқдоми назаррас дар заминаи сиёсати давлатии рушди ҷангал ва афзоиши масоҳати сабз дар ҷумҳурӣ аҳамияти стратегӣ дорад.
Маъракаи ниҳолшинонӣ дар асоси дастуру супоришҳои Пешвои миллат муҳтарам Эмомалӣ Раҳмон бо мақсади дар сатҳи муайян коҳиш додани оқибатҳои манфии тағйирёбии номусоиди иқлим ба ҳаёти одамон ва мавҷудоти дигари зиндаи табиат гузаронида шуд.
АКС: Агентии хоҷагии ҷангали назди Ҳукумати Ҷумҳурии Тоҷикистон
Дар Барселона имконоти сармоягузории Тоҷикистон муаррифӣ гардид
СОҲИБКОРӢ ҲАМ МАСЪУЛИЯТ МЕХОҲАД! Аз ҷониби кормандони Кумитаи бехатарии озуқаворӣ маҳсулоти гӯштии бесифат мусодира карда шуд
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
Муҳлати лоиҳаи содагардонии расмиёти савдо дар Осиёи Марказӣ то соли 2029 тамдид карда шуд
Тоҷикистон ва Қирғизистон ҳамкориро дар соҳаи инноватсия ва технологияҳои рақамӣ тақвият медиҳанд
Намояндагони Тоҷикистон дар Форуми байналмилалӣ оид ба таҳкими ҳамкорӣ дар самти мубориза бо маводи мухаддир ва ҷинояткорӣ иштирок намуданд
Дар Душанбе Форуми 10-уми Осиёи Марказӣ оид ба идоракунии интернет – CAIGF 2026 баргузор шуд
Дар Душанбе нахустин конфронси байналмилалӣ оид ба мониторинг ва арзёбӣ баргузор шуд
Табодули мол байни Тоҷикистон ва давлатҳои иштирокчии Барномаи махсуси СММ барои иқтисодиёти Осиёи Марказӣ ба 2,1 миллиард доллар расид
