Дар «Саноатсодиротбонк» чорабинии тантанавӣ ба ифтихори таҷлили Рӯзи Модар баргузор гардид
ДУШАНБЕ, 06.03.2026 /АМИТ «Ховар»/. 6 март дар Корхонаи воҳиди давлатии Бонки саноативу содиротии Тоҷикистон (КВД БССТ) «Саноатсодиротбонк» бахшида ба таҷлили Рӯзи Модар бо иштироки ҳайати роҳбарият ва бонувони бонк чорабинии тантанавӣ баргузор гардид.
«Рӯзи Модар яке аз ҷашнҳои пурифтихор ва пурмуҳтавои миллӣ ба шумор рафта, рамзи арҷгузорӣ ба мақому манзалати волои Зан — Модар, меҳру муҳаббат, садоқат ва фидокории бонувон дар ҷомеа мебошад», — гуфта шуд дар оғози чорабинӣ.
Таъкид гардид, ки Ҳукумати Ҷумҳурии Тоҷикистон аз солҳои аввали истиқлолияти давлатӣ таҳти роҳбарии хирадмандонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба баланд бардоштани мақоми занон дар ҷомеа таваҷҷуҳи хосса зоҳир намуда, бо қабули барномаҳои муҳими давлатӣ ва татбиқи сиёсати иҷтимоӣ барои фароҳам овардани шароити мусоид ба фаъолияти занон ва рушди нерӯи зеҳнии онҳо тадбирҳои муассир амалӣ менамояд.
Гуфта шуд, ки имрӯз занону бонувон дар тамоми соҳаҳои ҳаёти ҷомеа, аз ҷумла дар бахши иқтисод ва низоми бонкӣ, бо масъулиятшиносӣ, касбияти баланд ва ҳисси баланди ватандӯстӣ фаъолияти назаррас доранд.
Корхонаи воҳиди давлатии Бонки саноативу содиротии Тоҷикистон (КВД БССТ) «Саноатсодиротбонк» низ бо арҷгузорӣ ба саҳми арзандаи бонувон дар пешрафти фаъолияти бонкӣ, ҷиҳати таҳкими мавқеи онҳо дар соҳа ва фароҳам овардани шароити мусоиди корӣ пайваста иқдомҳои дастгирӣ амалӣ менамояд. Бонувони бонк бо меҳнати софдилона, масъулиятшиносӣ ва донишу малакаи касбӣ дар пешбурди фаъолияти муассиса ва баланд бардоштани нуфузи он саҳми назаррас мегузоранд.
АКС: Корхонаи воҳиди давлатии Бонки саноативу содиротии Тоҷикистон (КВД БССТ) «Саноатсодиротбонк»
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
