Дар шаҳри Хоруғ мусобиқаи «Ватанпарвар» баргузор гардид
ДУШАНБЕ, 11.03.2026 /АМИТ «Ховар»/. Дар шаҳри Хоруғи Вилояти Мухтори Кӯҳистони Бадахшон байни хонандагони муассисаҳои таҳсилоти миёнаи умумӣ мусобиқаи ҳарбию варзишии «Ватанпарвар» баргузор гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Хоруғ иттилоъ доданд.
Муовини сардори Маркази таҳсилоти иловагии шаҳри Хоруғ Силтолӣ Силтолиев иброз намуд, ки ҳадафи мусобиқаи ҳарбию варзишӣ боз ҳам баланд бардоштани руҳияи ватандӯстию хештаншиносӣ, обутоби руҳиву ҷисмонӣ ва дар оянда ба хизмати Ватан омода кардани наврасон мебошад. Таҷриба нишон дод, ки он хонандагоне, ки дар чунин мусобиқаҳо иштирок мекунанд, ҳангоми хизмати аскарӣ ба мушкилоти ҷисмонию равонӣ дучор намегарданд.
Наврасон аз намудҳои тирпаронӣ, ҷудо ва пайваст кардани силоҳ, ба рӯ кашидани ниқоби газӣ, бандкашӣ, дастхобонӣ, таҳия ва шарҳи рӯзномаи деворӣ бо ҳам рақобат карданд.
Дастаи ғолиб ба даври вилоятии мусобиқа роҳхат гирифт. Даври вилоятии мусобиқаи ҳарбию варзишии «Ватанпарвар» даҳаи якуми моҳи апрел доир шуда, дар он 8 даста аз шаҳру ноҳияҳои вилоят иштирок мекунанд.
АКС: Мақомоти иҷроияи ҳокимияти давлатии шаҳри Хоруғ
Пагоҳ дар Вазорати фарҳанг, Кумитаи телевизион ва радио, Агентии ҳифзи мероси таърихию фарҳангӣ ва Академияи идоракунии давлатӣ нишасти матбуотӣ баргузор мегардад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
Имрӯз дар шаҳри Душанбе ҳаво то 34 дараҷа гарм мешавад
Имрӯз дар водиҳои Тоҷикистон ҳаво то 37 дараҷа гарм мешавад
Чӣ тавр муштариён шабакаи мобилиро иваз мекунанд
6 июл дар вазорату идораҳои Тоҷикистон нишастҳои матбуотӣ оғоз мегарданд
Имрӯз дар шаҳри Душанбе ҳаво то 35 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Раиси вилояти Хатлон дар Қазоқистон бо ҳамватанон ва соҳибкорони тоҷик вохӯрӣ намуд
