Дар Ҷумҳурии Корея таҳти унвони «Наврӯз — пули пайвандгари фарҳангҳо ва тамаддунҳо» ҳамоиш доир гардид
ДУШАНБЕ, 25.03.2026 /АМИТ «Ховар»/. 24 март бо ибтикори Сафорати Ҷумҳурии Тоҷикистон дар Ҷумҳурии Корея таҳти унвони «Наврӯз–пули пайвандгари фарҳангҳо ва тамаддунҳо» ҳамоиш баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Ҷумҳурии Корея хабар доданд.
Дар ҳамоиш сафирони кишварҳои ҳавзаи Наврӯз ва дигар роҳбарони намояндагиҳои дипломатии кишварҳои дӯст, профессорони донишгоҳҳои Корея, роҳбарони муассисаҳои фарҳангӣ ва доираҳои мухталифи кишвари иқомат, намояндагони воситаҳои ахбори омма ва донишҷуёни тоҷик иштирок намуданд.
Сафири Фавқулода ва Мухтори Ҷумҳурии Тоҷикистон дар Ҷумҳурии Корея Салоҳиддин Киром дар бораи ҷашни фараҳбахши Наврӯз–яке аз маҳбубтарин идҳои миллии тоҷикон сухан гуфта, сиёсати хирадмандона ва талошҳои хастагинопазири Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро, ки бо шарофати он Наврӯз ҷойгоҳи боз ҳам баландтар ва таҷлили он шукуҳу шаҳомати хосса касб кард, таъкид намуд.
Сипас, Раиси Анҷумани дӯстии Корея ва Осиёи Марказӣ Ли Ок Рён, Директори Маркази фарҳангии Тоҷикистон дар Корея Ким Гви-хва, директори департаменти Маркази байналмилалии мероси фарҳангии ғайримоддии ЮНЕСКО дар минтақаи Осиё ва Уқёнуси Ором (UNESCO ICHCAP) Ким Доксун ва Президенти Анҷумани фарҳангии Корея Самуел Чунг ба муносибати Иди байналмиалии Наврӯз ҳозиринро табрик гуфтанд.
Дар қисмати асосии форум филми тоҷикӣ дар бораи таърих ва суннату ойинҳои Наврӯз намоиш дода шуда, профессори Донишгоҳи Ҳанйанг Ли Ҳи Су ва профессори Донишгоҳи мутолиоти хориҷии Ҳанкуки Корея хонум Сайёра Квак рӯнамоиҳоро дар бораи Наврӯз ва аҳамияти башарии он пешкаши иштирокдорон карданд.
Ҳамчунин мусиқинавози чирадасти тоҷик Гулҷамол Зоҳидова бо оҳангҳои марғуби наврӯзӣ фазои чорабиниро мутантан кард.
Дар фарҷом барои меҳмонон дастархони тоҷикӣ ороста шуд.
АКС: Сафорати Ҷумҳурии Тоҷикистон дар Ҷумҳурии Корея
КОНФРОНСИ ЧОРУМИ БАЙНАЛМИЛАЛИИ САТҲИ БАЛАНД ДАР ДУШАНБЕ. Беш аз 100 хабарнигори расонаҳои бонуфузи хориҷӣ рафти онро инъикос мекунанд
Донишгоҳи сулҳи СММ саҳми Президенти Тоҷикистон Эмомалӣ Раҳмонро дар сулҳ, рушди устувор ва ҳамкории минтақавӣ қадрдонӣ намуд
Тшилидзи Марвала: «Пешсафии Эмомалӣ Раҳмон дар соҳаи энергияи «сабз» ҷомеаи ҷаҳонро илҳом мебахшад»
РАВАНДИ ОБИ ДУШАНБЕ. Пойтахти Тоҷикистон ба маркази байналмилалии муколамаи глобалӣ оид ба масъалаҳои об табдил меёбад
Ҳамкории мутақобилан судманди Тоҷикистону Корея дар соҳаи маъданҳои муҳим баррасӣ гардид
Сироҷиддин Муҳриддин бо як гурӯҳ аз сафирони давлатҳои иштирокдори САҲА мулоқот намуд
Сарвазири Тоҷикистон Қоҳир Расулзода дар ҷаласаи Шурои сарони ҳукуматҳои кишварҳои иштирокдори ИДМ иштирок намуд
Президенти Туркманистон Сердар Бердимуҳамедов бо Сарвазири Тоҷикистон Қоҳир Расулзода мулоқот намуд
Сафири Тоҷикистон Зубайдулло Зубайдзода бо Валиаҳди Давлати Кувайт мулоқот намуд
Раванди татбиқи лоиҳаҳои Швейтсария дар Тоҷикистон баррасӣ гардид
Рӯзҳои фарҳанги Тоҷикистон дар Қирғизистон ба анҷом расиданд
Дар Женева мулоқоти Шараф Шерализода бо сафирони кишварҳои хориҷӣ доир гардид
